പാറശ്ശാല :24 മണിക്കൂര് പ്രവര്ത്തിക്കുന്ന ഹോട്ടല്, മന്ത്രിമാര് ഉള്പ്പെടെയുളളവര് അതിത്ഥികള്, എന്നാലും കള്ളന് കയറി. കേട്ടാല് ആരും ഒന്ന് അത്ഭുതപ്പെട്ട് പോകും. ദേശീയ പാതയില് പരശുവയ്ക്കലില് പ്രവര്ത്തിക്കുന്ന സുകുമാരന്റെ 24 മണിക്കൂറും പ്രവര്ത്തിക്കുന്ന ഹോട്ടലിലാണ് കള്ളന് കയറി പണം മോഷ്ടിച്ചത്. അതും പകല് സമയത്ത്. മുപ്പതിനായിരം രൂപയാണ് കവര്ന്നെടുത്തത്.
പാറശാലയില് എത്തുന്ന സംസ്ഥാന കേന്ദ്ര മന്ത്രിമാര് ഉള്പ്പെടെയുള്ള പ്രമുഖര് ഈ വഴി പോയാല് ഇവിടെ ഇറങ്ങി ഹോട്ടല് മുരുകയില് നിന്നും ഭക്ഷണം കഴിച്ചേ മടങ്ങാറുള്ളൂ. സമീപത്തേ പോലീസ് സ്റ്റേഷനിലെ പോലീസുകാര്ക്കും ഹൈവേ പെട്രോള് നടത്തുന്ന ഉദ്യോഗസ്ഥരും മണിക്കൂറുകള് ഭക്ഷണം കഴിക്കാനായി ഇടവിട്ട് എല്ലാ ദിവസവും ഇവിടെ എത്താറുണ്ട്. സംസ്ഥാന അന്യസംസ്ഥാന വാഹന യാത്ര കാര്ക്ക് ഏത് രാത്രിയില് എത്തിയാലും ഭക്ഷണം ഉറപ്പ്.
ഒമിക്രോണിന്റെ പശ്ചാത്തലത്തില് സര്ക്കാര് രാത്രിയില് നിയന്ത്രണം ഏര്പ്പെടുത്തിയതിന്റെ ഭാഗമായാണ് മുരുക ഹോട്ടല് തത്കാലം ഒന്ന് അടച്ചത്. അതിനിടെ കള്ളന് പകല് സമയം തന്നെ അതിവിദഗ്ധമായി പണം മോഷ്ടിച്ച് കടന്നുകളയുകയായിരുന്നു. നൂറ് വര്ഷത്തേ പരമ്പര്യമുളള ഹോട്ടലില് കള്ളല് കയറിയ എന്ന വാര്ത്ത പരന്നതോടെ ഹോട്ടലിലേക്ക് പലരും എത്തുകയാണ്.
ജന്മഭൂമി ഓണ്ലൈന്