തിരുവനന്തപുരം: ഒബിസി മോര്‍ച്ച സംസ്ഥാന സെക്രട്ടറി രണ്‍ജീത് ശ്രീനിവാസന്റെ കൊലപാതകത്തിലെ എസ്ഡിപിഐ പങ്കിനെക്കുറിച്ചുള്ള ചോദ്യത്തിന്, ‘പോലീസ് അന്വേഷിക്കട്ടെ, ഞങ്ങള്‍ സഹകരിക്കും’ എന്നായിരുന്നു സംസ്ഥാന പ്രസിഡന്റ് അഷ്‌റഫ് മൗലവിയുടെ മറുപടി.
പാളയം എസ്ഡിപിഐ സംസ്ഥാന കമ്മിറ്റി ഓഫീസില്‍ നടന്ന വാര്‍ത്താസമ്മേളനത്തില്‍ സംസാരിക്കുകയായിരുന്നു മൗലവി. പോലീസ് പക്ഷപാതപരമായി പെരുമാറുന്നുവെന്ന് പറഞ്ഞെങ്കിലും മറ്റൊരു ഏജന്‍സിയെ അന്വേഷണം ഏല്‍പ്പിക്കേണ്ട ആവശ്യമില്ലെന്നും നല്ല പോലീസുകാര്‍ ഉണ്ടെന്നും കൂട്ടിച്ചേര്‍ത്തു.
ആലപ്പുഴയില്‍ വെട്ടേറ്റ് കൊല്ലപ്പെട്ട എസ്ഡിപിഐ സംസ്ഥാന സെക്രട്ടറി കെ.എസ്. ഷാന്‍ പോലീസ് ഇന്‍ഫോര്‍മറായിരുന്നില്ലെന്ന് സംസ്ഥാന പ്രസിഡന്റ് അഷ്‌റഫ് മൗലവി. ജില്ലയിലെ മുതിര്‍ന്ന നേതാവെന്ന നിലയില്‍ പോലീസുമായി നല്ല അടുപ്പം സൂക്ഷിച്ചിരുന്ന വ്യക്തിയായിരുന്നുവെന്നും സ്ഥിരീകരിച്ചു.
പ്രതികരിക്കാൻ ഇവിടെ എഴുതുക: