ന്യൂദല്ഹി: പെണ്കുട്ടികളുടെ വിവാഹപ്രായം 21ആക്കി ഉയര്ത്താനുള്ള കേന്ദ്രസര്ക്കാര് തീരുമാനത്തെ പിന്തുണച്ച് കോണ്ഗ്രസ് നേതാവ് പി. ചിദംബരം.
പെണ്കുട്ടികളുടെ വിവാഹപ്രായം 21 ആക്കി ഉയര്ത്താനുള്ള കേന്ദ്രബില്ലിനെ കോണ്ഗ്രസ് ഉള്പ്പെടെയുള്ള പ്രതിപക്ഷപാര്ട്ടികള് എതിര്ക്കുന്നതിനിടയില് പി.ചിദംബരം ബില്ലിന് അനുകൂലമായി രംഗത്തെത്തിയത് വലിയ അമ്പരപ്പ് സൃഷ്ടിച്ചിരിക്കുകയാണ്. പെണ്കുട്ടികളുടെയും ആണ്കുട്ടികളുടെയും വിവാഹപ്രായം 21 ആക്കി ഉയര്ത്തണമെന്ന അഭിപ്രായമാണ് തനിക്കുള്ളതെന്നും ചിദംബരം പറഞ്ഞു.
‘അതേ സമയം നിയമം ഒറ്റയടിക്ക് പ്രാബല്യത്തില് കൊണ്ടുവരരുത്. 2022ല് ഈ പുതിയ നിയമത്തെക്കുറിച്ച് ബോധവല്ക്കരണം നടത്തണം. ആണ്കുട്ടിയാണെങ്കിലും പെണ്കുട്ടിയാണെങ്കിലും 21ാം വയസ്സില് വിവാഹം കഴിച്ചാലുള്ള നേട്ടങ്ങള് പറഞ്ഞ് മനസ്സിലാക്കണം. നിിയമം പക്ഷെ 2023ല് മാത്രമേ നടപ്പിലാക്കാവൂ,’- ചിദംബരം പറഞ്ഞു.
