കേന്ദ്രസര്‍ക്കാരിന് കീഴിലുള്ള ഹൈദ്രാബാദിലെ സെക്യൂരിറ്റി പ്രിന്റിംഗ് ്രപസ്സിലേക്ക് ജൂനിയര്‍ ടെക്‌നീഷ്യന്‍ (പ്രിന്റിംഗ്) (ഒഴിവുകള്‍ 25), ഫയര്‍മാന്‍ (ആര്‍എ (2) തസ്തികയില്‍ റിക്രൂട്ട്‌മെന്റിനായി അപേക്ഷകള്‍ ക്ഷണിച്ചു. ശമ്പള നിരക്ക് 18780-67390 രൂപ. (പരസ്യ നമ്പര്‍ SPP/HR/Recruitment/2021-22/).
യോഗ്യത: ജൂനിയര്‍ ടെക്‌നീഷ്യന്‍ തസ്തികക്ക് പ്രിന്റിംഗ് ട്രേഡില്‍ ഐടിഐ സര്‍ട്ടിഫിക്കറ്റ് ഉണ്ടാകണം. ഓഫ്‌സെറ്റ് പ്രിന്റിംഗ്/പ്ലേറ്റ് മേക്കിംഗ്/ഇലക്‌ട്രോപ്ലേറ്റിംഗ് ട്രേഡുകാരെയും പരിഗണിക്കും.
ഫയര്‍മാന്‍ തസ്തികക്ക് പത്താം ക്ലാസ് പാസായിരിക്കണം. ഫയര്‍മാന്‍ ട്രേഡില്‍ അംഗീകൃത സര്‍ട്ടിഫിക്കറ്റ് ഉണ്ടായിരിക്കണം. ഉയരം 165 സെ.മീറ്ററും നെഞ്ചളവ് 79-84 സെ.മീറ്ററും ഉണ്ടാകണം. നല്ല കാഴ്ചശക്തിയുള്ളവരാകണം.
പ്രായപരിധി 18-25 വയസ്. 1996 ജൂലൈ രണ്ടിനും 2003 ജൂലൈ ഒന്നിനും മധ്യേ ജനിച്ചവരാകണം. സംവരണ വിഭാഗങ്ങള്‍ക്ക് ചട്ടപ്രകാരം പ്രായപരിധിയില്‍ ഇളവുണ്ട്.
വിശദവിവരങ്ങളടങ്ങിയ വിജ്ഞാപനം http://spphyderabad.spmcil.com- ല്‍ ലഭ്യമാണ്. അപേക്ഷ നിര്‍ദ്ദേശാനുസരണം ഓണ്‍ലൈനായി ജനുവരി 15 നകം സമര്‍പ്പിക്കാം. അപേക്ഷ/പരീക്ഷാ ഫീസ് 600 രൂപ. എസ്‌സി/എസ്ടി/പിഡബ്ല്യുഡി വിഭാഗങ്ങളില്‍പ്പെടുന്നവര്‍ക്ക് ഫീസില്ല.
ഫെബ്രുവരി/മാര്‍ച്ച് മാസത്തില്‍ നടത്തുന്ന ഓണ്‍ലൈന്‍ ടെസ്റ്റിലൂടെയാണ് തെരഞ്ഞെടുപ്പ്. ഹൈദ്രാബാദ്, മുംബൈ, ന്യൂദല്‍ഹി, കൊല്‍ക്കത്ത പരീക്ഷാ കേന്ദ്രങ്ങളാണ്. കൂടുതല്‍ വിവരങ്ങള്‍ വിജ്ഞാപനത്തിലുണ്ട്.
പ്രതികരിക്കാൻ ഇവിടെ എഴുതുക: