തിരുവനന്തപുരം: ഹലാല്‍ വിരുദ്ധ പരാമര്‍ശം നടത്തിയതിന് ബിജെപി സംസ്ഥാന അധ്യക്ഷന്‍ കെ.സുരേന്ദ്രനെതിരെ കന്റോണ്‍മെന്റ് പോലീസ് കേസെടുത്തു. എസ്ഡിപിഐ ഭീകരരെ സംരക്ഷിക്കുന്ന പോലീസ് നിലപാടിനെതിരെ നവംബര്‍ 17 ന് ബിജെപി നടത്തിയ സെക്രട്ടേറിയറ്റ് മാര്‍ച്ചിലെ പ്രസംഗത്തിനെതിരെയാണ് കേസെടുത്തത്.
കേരളത്തിലെ പല ടെക്സ്റ്റയില്‍സ് സ്ഥാപനങ്ങളിലും തീവ്രവാദികള്‍ ജോലിക്ക് നില്‍ക്കുന്നുണ്ടെന്നും തീവ്രവാദ ശക്തികള്‍ ഹോട്ടലുകളില്‍ ഹലാല്‍ സംസ്‌കാരം കൊണ്ടുവന്ന് മതസൗഹാര്‍ദ്ദം തകര്‍ക്കാന്‍ ശ്രമിക്കുകയാണെന്നുമായിരുന്നു പരാമര്‍ശം. ഇതിനെതിരെ വെല്‍ഫെയര്‍ പാര്‍ട്ടി ലീഡര്‍ അഡ്വ.അനില്‍കുമാര്‍ പരാതി നല്‍കിയിരുന്നു. ഈ പരാതിയുടെ അടിസ്ഥാനത്തിലാണ് മതവിദ്വോഷമുണ്ടാക്കുന്ന പരാമര്‍ശം നടത്തിയെന്നാരോപിച്ച് ഒരു മാസത്തിന് ശേഷം കേസെടുത്തിരിക്കുന്നത്.
പ്രതികരിക്കാൻ ഇവിടെ എഴുതുക: