കോട്ടയം: ജില്ലയില്‍ വെച്ചൂര്‍, അയ്മനം, കല്ലറ എന്നിവിടങ്ങളില്‍ നിന്നുള്ള സാമ്പിളുകളില്‍ പക്ഷിപ്പനി സ്ഥിരീകരിച്ചതായി ജില്ലാ കളക്ടര്‍ ഡോ. പി. കെ. ജയശ്രീ അറിയിച്ചു. ഭോപ്പാലിലെ നാഷണല്‍ ഇന്‍സ്റ്റിറ്റ്യൂട്ട് ഓഫ് ഹൈ സെക്യൂരിറ്റി ആനിമല്‍ ഡിസീസസ് ലാബില്‍ അയച്ച സാമ്പിളുകളുടെ പരിശോധനയിലാണ് പക്ഷിപ്പനി സ്ഥിരീകരിച്ചത്. തുടര്‍ നടപടി സ്വീകരിക്കുന്നതിന് പഞ്ചായത്ത് പ്രസിഡന്റുമാരുടെയും ഉദ്യോഗസ്ഥരുടെയും അടിയന്തിര യോഗം കളക്ട്രേറ്റില്‍ നടന്നു. ജില്ലയില്‍ ഒരിടത്തും പക്ഷിപ്പനി ബാധ സ്ഥിരീകരിച്ചിട്ടില്ലാത്ത സാഹചര്യത്തില്‍ ജനങ്ങള്‍ ആശങ്കപ്പെടേണ്ടതില്ലെന്ന് മൃഗ സംരക്ഷണ വകുപ്പ് മൃഗ രോഗ നിയന്ത്രണ പ്രോജക്ട് ജില്ലാ കോ- ഓര്‍ഡിനേറ്റര്‍ ഡോ. ഷാജി പണിക്കശ്ശേരി അറിയിച്ചു.
നന്നായി വേവിച്ച മുട്ടയും താറാവ്-കോഴി ഇറച്ചിയും പൂര്‍ണമായും ഭക്ഷ്യയോഗ്യമാണ് പച്ച മാംസം കൈകാര്യം ചെയ്തതിനു ശേഷം കൈകള്‍ സോപ്പും വെള്ളവും ഉപയോഗിച്ച് വൃത്തിയായി കഴുകണം. ചത്തതോ രോഗംബാധിച്ചതോ ആയ പക്ഷികളെ കൈകാര്യം ചെയ്യുന്നതിന് കയ്യുറയും മാസ്‌കും ഉപയോഗിക്കണം വ്യക്തി ശുചിത്വവും പരിസര ശുചിത്വവും പാലിക്കണം. രോഗം ബാധിച്ചതോ രോഗം ബാധിച്ച് ചത്തതോ ആയ കോഴികളുടെയും താറാവുകളുടെയും മാംസം കഴിക്കുകയോ മറ്റുള്ളവര്‍ക്ക് കഴിക്കാന്‍ നല്‍കാനോ പാടില്ല. രോഗബാധ വന്ന് ചത്തുപോകുന്ന കോഴികളെയും താറാവുകളെയും വെള്ളത്തിലോ ഒഴിഞ്ഞ് കിടക്കുന്ന സ്ഥലങ്ങളിലോ ഉപേക്ഷിക്കാതെ കത്തിച്ചു കളയണം.
ജില്ലയില്‍ വേമ്പനാട് കായലിനോട് ചേര്‍ന്നുള്ള പഞ്ചായത്തുകളിലെ ചില കര്‍ഷകരുടെ താറാവിന്‍ കൂട്ടങ്ങളില്‍ കൂടുതല്‍ മരണം ഉണ്ടായിട്ടുണ്ട്. രോഗബാധ സംശയിക്കുന്ന താറാവുകളെ ശേഖരിച്ച് വിശദപരിശോധനയ്‌ക്കായി ഭോപ്പാലിലെ ദേശീയ ലാബില്‍ എത്തിച്ചിട്ടുണ്ട് ഫലം ലഭ്യമായിട്ടില്ലെങ്കിലും ദ്രുതകര്‍മ സേന രൂപീകരിച്ച് പ്രതിരോധ പ്രവര്‍ത്തനങ്ങള്‍ നടത്തിവരുകയാണ്. മുഗാശുപത്രികളില്‍ റിപ്പോര്‍ട്ട് ചെയ്യപ്പെട്ടതിനെ തുടര്‍ന്ന് പരിശോധന നടത്തി തയ്യാറാക്കിയ താറാവ് മരണങ്ങളുടെ കണക്ക് വെച്ചൂര്‍-4037, അയ്മനം-2465, കുമരകം- 1246, കല്ലറ-6550 (കുഞ്ഞുങ്ങള്‍)
പ്രതികരിക്കാൻ ഇവിടെ എഴുതുക: