സ്പെയിന്: ഇന്ത്യന് താരം എച്ച്.എസ്പ്രണോയ് ലോക ബാഡ്മിന്റണ് ചാമ്പ്യന്ഷിപ്പിന്റെ പ്രീ ക്വാര്ട്ടറില് പ്രവേശിച്ചു. രണ്ടാം റൗണ്ടില് മലേഷ്യയുടെ ഡാരന് ലീയുവിനെ മറികടന്നാണ് പ്രണോയ് പ്രീ ക്വാര്ട്ടറിലെത്തിയത്. നാല്പ്പത്തിരണ്ട് മിനിറ്റ്് നീണ്ട മത്സരത്തില് 21-7, 21-17 എന്ന സ്കോറിനാണ് വിജയിച്ചത്.
സ്പെയിനിന്റെ ലൂയിസ് എന്റിക്വയും ഡെന്മാര്ക്കിന്റെ റാസ്മസും തമ്മിലുള്ള രണ്ടാം റൗണ്ട് മത്സത്തിലെ വിജയിയെയാണ് പ്രണോയ് പ്രീ ക്വാര്ട്ടറില് എതിരിടുക.
ഇന്ത്യയുടെ കിഡംബി ശ്രീകാന്തും ലക്ഷ്യാ സെന്നും പ്രീ ക്വാര്ട്ടറിലെത്തിയിട്ടുണ്ട. വനിതാ ഡബിള്സ് സഖ്യമായ അശ്വിനി പൊന്നപ്പ – എന് സിക്കി റെഡ്ഡി സഖ്യവും പ്രീ ക്വാര്ട്ടറില് കടന്നു. രണ്ടാം റൗണ്ടില് ചൈനയുടെ ലിയു സുവാന് – യു ടിങ് ടീമിനെ ഒന്നിനെതിരെ രണ്ട് ഗെയിമുകള്ക്ക് തോല്പ്പിച്ചു. സ്കോര്: 21-11, 9-21, 21-13.
പുരുഷ ഡബിള്സില് ഇന്ത്യയുടെ എം.ആര്. അര്ജുന്- ധ്രുവ് കപില സഖ്യം റഷ്യയുടെ വ്ഌഡ്മിന് ഇവാനോവ്- ഇവന് സോസോണോവ് ടീമിനോട് തോറ്റു. സ്കോര്: 11-21, 16-21. മത്സരം 41 മിനിറ്റില് അവസാനിച്ചു.
