മാഡ്രിഡ്: ലോക ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യന്‍ താരങ്ങള്‍ക്ക് മുന്നേറ്റം. പി.വി. സിന്ധു, ലക്ഷ്യ സെന്‍ എന്നിവര്‍ പ്രീ ക്വാര്‍ട്ടറിലേക്ക് യോഗ്യത നേടി. ആദ്യ ലോക ചാമ്പ്യന്‍ഷിപ്പ് കളിക്കാനിറങ്ങിയ ലക്ഷ്യ സെന്‍ ജാപ്പനീസ് താരത്തെ മൂന്ന് ഗെയിമുകള്‍ നീണ്ട പോരാട്ടത്തിലാണ് തോല്‍പ്പിച്ചത്. സകോര്‍: 22-20, 15-21, 21-18.
ലോക 17-ാം നമ്പറായ കെന്റോ നിഷിമോട്ടോയെ ആദ്യ ഗെയിമില്‍ കടുത്ത പോരാട്ടത്തിനൊടുവിലാണ് തോല്‍പ്പിച്ചത്. പിന്നീട് തിരിച്ചടിച്ച ജാപ്പനീസ് താരം മൂന്നാം ഗെയിമില്‍ ലക്ഷ്യ സെന്നിന് മുന്നില്‍ കീഴടങ്ങുകയായിരുന്നു. അടുത്ത റൗണ്ടില്‍ കെവിന്‍ കൊര്‍ഡൊണാണ് ലക്ഷ്യയുടെ എതിരാളി. സ്ലോവാക്യന്‍ താരത്തെ അനായാസം തോല്‍പ്പിച്ചാണ് സിന്ധു പ്രീ ക്വാര്‍ട്ടറിലേക്ക് യോഗ്യത നേടിയത്. സ്‌കോര്‍: 21-7, 21-9. മാര്‍ട്ടിന റെപ്‌സികയെ അതിവേഗം തോല്‍പ്പിച്ചു.
പുരുഷ ഡബിള്‍സില്‍ സാത്വിക്‌സൈരാജ് റെങ്കിറെഡ്ഡി- ചിരാഗ് ഷെട്ടി സഖ്യം പ്രീക്വാര്‍ട്ടറിലെത്തി. ചൈനീസ് തായ്‌പേ താരങ്ങളെ നേരിട്ടുള്ള ഗെയ്മുകള്‍ക്ക് തോല്‍പ്പിച്ചു. സ്‌കോര്‍: 27-25, 21-17.
പ്രതികരിക്കാൻ ഇവിടെ എഴുതുക: