കൊച്ചി: സിനിമ സംവിധായകന്‍ അലി അക്ബറും കുടുംബവും ഇസ്ലാം മതം ഉപേക്ഷിക്കുന്നതായി വെഴുപ്പെടുത്തല്‍. സംയുക്ത സൈനിക മേധാവി ബിപിന്‍ റാവത്തിന്റെ മരണവാര്‍ത്തയ്‌ക്ക് ചിരി സ്‌മൈലികളുമായി എത്തിയ ഒരു വിഭാഗം മതക്കാര്‍ക്കെതിരെയുള്ള പ്രതിഷേധമായാണ് താന്‍ ഇസ്ലാം മതം ഉപേക്ഷിക്കുന്നതെന്ന് അലി അക്ബര്‍ പറഞ്ഞു.
കേരളത്തെ വര്‍ഗീയവത്കരിക്കുന്നതില്‍ സര്‍ക്കാര്‍ ഒപ്പം നില്‍ക്കുന്നു. ഒരു പ്രത്യേക മത വിഭാഗത്തെ പ്രീണിപ്പിച്ച് ഭരണ പിടിക്കുകയാണ് ഇടത് സര്‍ക്കാര്‍ ചെയ്തത്. താനും കുടുംബവും ഒരു മതത്തിലും ഇല്ലെന്നും ഇനി മുതല്‍ സനാതന ധര്‍മ്മം പിന്തുടരുമെന്നും അലി അക്ബര്‍ ഫേസ്ബുക്ക് ലൈവില്‍ പറഞ്ഞു.
നമ്മുടെ സൈനിക മേധാവി വിഷ്ണുപാദം പൂകുമ്പോള്‍ ചിരിക്കുന്നവരെ രാജ്യം തിരിച്ചറിയണം, ശിക്ഷിക്കണം. ബിപിന്‍ റാവത്തിന്റെ മരണത്തെ തുടര്‍ന്ന് പ്രമുഖരുടെ അനുശോചന കുറുപ്പുകളിലും മാധ്യമ വാര്‍ത്തകങ്ങളിലും ചിരി ഈമോജി ഇട്ട് കൊണ്ടായിരുന്നു ഒരു വിഭാഗം ആളുകളുടെ പ്രതികരണങ്ങള്‍. ഇതേതുടര്‍ന്ന് രാജ്യത്തിന്റെ വിവിധ മേഖലകളില്‍ നിന്ന് വലിയ രീതിയിലെ വിമര്‍ശനമാണ് ഉയര്‍ന്നത്.
പ്രതികരിക്കാൻ ഇവിടെ എഴുതുക: