ടെസ്റ്റ് കെമിക്കല്‍ സയന്‍സ്, എര്‍ത്ത് അറ്റ്‌മോസ്‌ഫെറിക്, ഓഷ്യന്‍ ആന്റ് പ്ലാനറ്ററി സയന്‍സസ്, ലൈഫ് സയന്‍സസ്, മാത്തമാറ്റിക്കല്‍ സയന്‍സസ്, ഫിസിക്കല്‍ സയന്‍സസ് വിഷയങ്ങളില്‍
ശാസ്ത്രവിഷയങ്ങളില്‍ ജോയിന്റ് സിഎസ്‌ഐആര്‍- യുജിസി നാഷണല്‍ എലിജിബിലിറ്റി ടെസ്റ്റ് (നെറ്റ്) ജനുവരി 29, ഫെബ്രുവരി 5, 6 തീയതികളില്‍ നടത്തും. നാഷണല്‍ ടെസ്റ്റിംഗ് ഏജന്‍സിയാണ് ടെസ്റ്റ് സംഘടിപ്പിക്കുന്നത്. ഇതില്‍ പങ്കെടുക്കുന്നതിനുള്ള ഓണ്‍ലൈന്‍ രജിസ്‌ട്രേഷന്‍/അപേക്ഷ ജനുവരി രണ്ടിനകം സമര്‍പ്പിക്കണം. https://csirnet.nta.nic.in- ല്‍ ഇതിനുള്ള സൗകര്യമുണ്ട്.
പരീക്ഷാ ഫീസ് ജനറല്‍/ഇഡബ്ല്യുഎസ് വിഭാഗങ്ങള്‍ക്ക് 1000 രൂപയും ഒബിസി-എന്‍സിഎല്‍ വിഭാഗങ്ങള്‍ക്ക് 500 രൂപയും എസ്‌സി/എസ്ടി, തേര്‍ഡ് ജന്‍ഡര്‍ വിഭാഗങ്ങള്‍ക്ക് 250 രൂപ വീതവുമാണ്. ഭിന്നശേഷിക്കാര്‍ക്ക് (പിഡബ്ല്യുഡി) ഫീസില്ല. ഡബിറ്റ്/ക്രഡിറ്റ് കാര്‍ഡ്, നെറ്റ് ബാങ്കിംഗ് വഴി ഓണ്‍ലൈനായി ഫീസ് അടയ്‌ക്കാം. നെറ്റ് വിജ്ഞാപനവും ഇന്‍ഫര്‍മേഷന്‍ ബുള്ളറ്റിനും വെബ്‌സൈറ്റില്‍നിന്നും ഡൗണ്‍ലോഡ് ചെയ്ത് നിര്‍ദ്ദേശാനുസരണം അപേക്ഷിക്കാവുന്നതാണ്.
സിഎസ്‌ഐആര്‍- യുജിസി നെറ്റില്‍ യോഗ്യത നേടുന്നവര്‍ക്ക് ജൂനിയര്‍ റിസര്‍ച്ച് ഫെലോഷിപ്പോടെ പിഎച്ച്ഡിയിലേക്ക് നയിക്കുന്ന ഗവേഷണ പഠനത്തിനും ഇന്ത്യന്‍ സര്‍വ്വകലാശാലകളിലും കോളേജുകളിലും അസിസ്റ്റന്റ് പ്രൊഫസര്‍ തസ്തികയിലേക്കുള്ള നിയമനത്തിനും അര്‍ഹതയുണ്ടായിരിക്കും.
യോഗ്യത: ബന്ധപ്പെട്ട വിഷയങ്ങളില്‍ എംഎസ്‌സി/ഇന്റഗ്രേറ്റഡ് ബിഎസ്-എംഎസ്/നാലുവര്‍ഷത്തെ ബിഎസ്/ബിഇ/ബിടെക്/ബി ഫാര്‍മ/എംബിബിഎസ് ബിരുദം 55% മാര്‍ക്കില്‍ കുറയാതെ വിജയിച്ചിരിക്കണം. എസ്‌സി/എസ്ടി/തേര്‍ഡ് ജന്‍ഡര്‍/പിഡബ്ല്യുഡി വിഭാഗങ്ങളില്‍പ്പെടുന്നവര്‍ക്ക് 50% മാര്‍ക്ക് മതിയാകും. എംഎസ്‌സി കോഴ്‌സില്‍ എന്റോള്‍ ചെയ്തിട്ടുള്ളവര്‍ക്കും ‘റിസല്‍ട്ട് അവൈറ്റഡ്’ കാറ്റഗറിയില്‍ അപേക്ഷിക്കാം.
ബിഇ/ബിഎഡ്/ബിടെക്/ബി ഫാര്‍മ/എംബിബിഎസ് അവസാനവര്‍ഷക്കാര്‍ക്കും ഫലം കാത്തിരിക്കുന്നവര്‍ക്കും ജെആര്‍എഫിന് മാത്രമേ അപേക്ഷിക്കാന്‍ അര്‍ഹതയുള്ളൂ. ലക്ചര്‍ഷിപ്പ്/അസിസ്റ്റന്റ് പ്രൊഫസര്‍ പരീക്ഷക്ക് പരിഗണിക്കില്ല. ജെആര്‍എഫിന് പ്രായപരിധി 28 വയസാണ്. ലക്ചര്‍ഷിപ്പിന് പ്രായപരിധിയില്ല. വിശദമായ യോഗ്യതാ മാനദണ്ഡങ്ങള്‍ ഇന്‍ഫര്‍മേഷന്‍ ബുള്ളറ്റിനിലുണ്ട്.
പരീക്ഷ: കമ്പ്യൂട്ടര്‍ അധിഷ്ഠിത പരീക്ഷ കെമിക്കല്‍ സയന്‍സസ്, എര്‍ത്ത് അറ്റ്‌മോസ്‌ഫെറിക്, ഓഷ്യന്‍ ആന്റ് പ്ലാനിറ്ററി സയന്‍സസ്, ലൈഫ് സയന്‍സസ്, മാത്തമാറ്റിക്കല്‍ സയന്‍സസ്, ഫിസിക്കല്‍ സയന്‍സസ് വിഷയങ്ങളിലാണ്. ടെസ്റ്റില്‍ മൂന്ന് ഭാഗങ്ങളുണ്ട്. എല്ലാ ഭാഗങ്ങളിലും ഒബ്ജക്ടീവ് മള്‍ട്ടിപ്പിള്‍ ചോയിസ് ചോദ്യങ്ങളാണുണ്ടാവുക. ടെസ്റ്റ് സിലബസും പരീക്ഷാഘടനയും www.csirhrdg.res.in- ല്‍ ലഭ്യമാണ്.
രാവിലെ 9 മുതല്‍ ഉച്ചയ്‌ക്ക് 12 മണിവരെയും ഉച്ചയ്‌ക്കുശേഷം 3 മുതല്‍ 6 മണിവരെയും രണ്ട് ഷിഫ്റ്റുകളായാണ് പരീക്ഷ നടത്തുക. കേരളത്തില്‍ ആലപ്പുഴ, എറണാകുളം, ഇടുക്കി, കണ്ണൂര്‍, കാസര്‍ഗോഡ്, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, പത്തനംതിട്ട, തിരുവനന്തപുരം, തൃശൂര്‍ എന്നിവയും ലക്ഷദ്വീപില്‍ കവരത്തിയും പരീക്ഷാ കേന്ദ്രങ്ങളാണ്.
ടെസ്റ്റിന്റെ അടിസ്ഥാനത്തില്‍ ‘ജെആര്‍എഫ്, നെറ്റ്, ‘എല്‍എസ് നെറ്റ്’ എന്നിങ്ങനെ രണ്ട് മെരിറ്റ് ലിസ്റ്റുകള്‍ പ്രത്യേകം തയ്യാറാക്കും. കൂടുതല്‍ വിവരങ്ങള്‍ ഇന്‍ഫര്‍മേഷന്‍ ബുള്ളറ്റിനിലുണ്ട്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: