മലപ്പുറം: പത്ത് വയസ്സുള്ള ആണ്‍കുട്ടിയെ ലൈംഗിക പീഢനത്തിന് വിധേയമാക്കിയ സ്‌കൂള്‍ അധ്യാപകന് അഷ്റഫിനെ (53) അറസ്റ്റ് ചെയ്തു. പ്രായപൂര്‍ത്തിയാകാത്ത കുട്ടിയെ പീഡിപ്പിച്ചതിന്റെ പേരില്‍ ഇത് മൂന്നാം തവണയാണ് പോസ്‌കോ പ്രകാരം അഷ്‌റഫിനെതിരെ കേസെടുക്കുന്നത്. കുട്ടിയുടെ രക്ഷിതാക്കള്‍ നല്‍കിയ പരാതിയിലാണ് വള്ളിക്കുന്ന് സ്വദേശി പുളിക്കത്തൊടിത്താഴം അഷ്റഫിനെ അറസ്റ്റ് ചെയ്തത്.
ഇതിന് മുന്‍പ് 2012ലും 2019ലും പ്രായപൂര്‍ത്തിയാകാത്ത ആണ്‍കുട്ടികളെ ലൈംഗിക ചൂഷണം നടത്തിയതിന് അഷ്‌റഫിനെതിരെ കേസെടുത്തിരുന്നു. പരപ്പനങ്ങാടി,കരിപ്പൂര്‍ പൊലീസ് സ്റ്റേഷനുകളിലാണ് കേസ്. 2019ല്‍ കരിപ്പൂര്‍ പൊലീസ് സ്റ്റേഷന്‍ പരിധിയിലെ സ്‌കൂളില്‍ പ്രൈമറി ക്ലാസുകളില്‍ പഠിക്കുന്ന രണ്ട് വിദ്യാര്‍ത്ഥികളെ ലൈംഗികമായി പീഢിപ്പിച്ചിരുന്നു.
കുട്ടിയുടെ രക്ഷിതാക്കള്‍ ചൈല്‍ഡ് ഹെല്‍പ് ലൈനില്‍ പരാതി നല്‍കി. ഒപ്പം താനൂര്‍ പൊലീസ് സ്റ്റേഷനില്‍ പരാതി നല്‍കി. തുടര്‍ന്നായിരുന്നു അഷ്റഫിനെ അറസ്റ്റ് ചെയ്തത്.ഒരിയ്‌ക്കല്‍ പോസ്‌കോ പ്രകാരം കുറ്റം ചെയ്ത വ്യക്തിയെ സ്‌കൂളിലെ അധ്യാപകജോലിയില്‍ നിന്നും വിദ്യാഭ്യാസവകുപ്പിലെ ഓഫീസ് ജോലിയിലേക്ക് മാറ്റണമെന്നാണ് ബാലവകാശ കമ്മീഷന്‍ അംഗം പറയുന്നത്. എങ്കില്‍ പിന്നീട് കുട്ടികളുമായി ഇടപഴകുന്നതില്‍ നിന്നും ഈ വ്യക്തിയെ തടയാന്‍ കഴിയും.
പ്രതികരിക്കാൻ ഇവിടെ എഴുതുക: