അപ്പാനി ശരത്ത്,അരുണ്‍കുമാര്‍, ജയേഷ് ജനാര്‍ദ്ദന്‍ തുടങ്ങിയവര്‍ പ്രധാന വേഷത്തില്‍ അഭിനയിക്കുന്ന ‘ഇന്നലെകള്‍’ എന്ന ചിത്രത്തിന്റെ ഷൂട്ടിങ് വയനാട് ജില്ലയിലെ വെള്ളമുണ്ട എന്ന ഗ്രാമത്തില്‍ നടന്നുവരുന്നു. വിനേഷ് ദേവസ്യ രചനയും സംവിധാനവും നിര്‍വഹിക്കുന്നു. സെയ്ന്‍ പ്രൊഡക്ഷന്‍സിന്റെ ബാനറില്‍ ഷാഹുല്‍ഹമീദ് നിര്‍മ്മിക്കുന്ന ചിത്രത്തിന്റെ ഛായാഗ്രഹണം ഷാന്‍ പി. റഹ്‌മാന്‍ നിര്‍വഹിക്കുന്നു.
മൂന്ന് ചെറുപ്പക്കാരുടെ സൗഹൃദത്തിന്റെ കഥയാണ് ചിത്രത്തില്‍ പറയുന്നത്. കൂട്ടുകാരില്‍ നിന്നും ജോജു എന്ന ചെറുപ്പക്കാരന്‍ മരണപ്പെടുന്നു. അകാലത്തില്‍ പൊലിഞ്ഞ ആ സുഹൃത്തിന് എന്താണ് സമൂഹത്തോട് പറയുവാനുള്ളത് എന്നും, സമൂഹം ജോജു വിനോട് എന്താണ് പറയുവാന്‍ ഉദ്ദേശിച്ചത് എന്നും ഉള്ള കാര്യങ്ങളാണ് ഇന്നലെകള്‍ എന്ന ചിത്രത്തിലൂടെ അനാവരണം ചെയ്യുന്നത്.
ഒട്ടനവധി ട്വിസ്റ്റ്കളിലൂടെ സങ്കീര്‍ണ്ണമായ വഴികളിലൂടെയാണ് ചിത്രത്തിന്റെ കഥ നീങ്ങുന്നത്. ഹാസ്യത്തിന് മുന്‍തൂക്കം നല്‍കിക്കൊണ്ട് കുടുംബ പശ്ചാത്തലത്തിലാണ് ചിത്രം അണിയിച്ചൊരുക്കിയിരിക്കുന്നത്.
യാമി നായികയാവുന്ന ചിത്രത്തില്‍ മറ്റ് അഭിനേതാക്കള്‍. ടി.ജി. രവി, സിനോജ് അങ്കമാലി, മഖ്ബൂല്‍ സല്‍മാന്‍, ശിവജി ഗുരുവായൂര്‍, സുനില്‍ സുഗത, ബിനു അടിമാലി, കൃഷ്ണപ്രസാദ്, വിനോദ് കോവൂര്‍, കോട്ടയം രമേശ്, സാജന്‍ പള്ളുരുത്തി, സൗമേഷ് ചാലക്കുടി, ബാലാജി ശര്‍മ, സുധി കൊല്ലം, അസീസ് നെടുമങ്ങാട്, വിനോദ് കെടാമംഗലം, ജോയി വാല്‍ക്കണ്ണാടി, പൗളി ഞാറക്കല്‍. സീനത്ത്, രമാദേവി, അംബിക മോഹന്‍, രശ്മി അനില്‍, മഞ്ജു വിജീഷ്, രാജി ആര്‍ മേനോന്‍, എന്നിവരെ കൂടാതെ പുതുമുഖങ്ങളായ സുമിത് എം.ബി, അബിന്‍ ബിനോ, ജഗദീഷ്‌കുമാര്‍, ടീന തോമസ് എന്നിവരും അഭിനയിക്കുന്നു.
എഡിറ്റിങ് ആന്‍ഡ് വിഎഫ്എക്‌സ് മനു ശങ്കര്‍ നിര്‍വഹിക്കുന്നു. സംഗീതം ജയ കാര്‍ത്തി. ഗാനരചയിതാക്കള്‍ സജേഷ് യോഗി, സുനില്‍കുമാര്‍ മേലത്ത്. മേക്കപ്പ് അഭിലാഷ് വലിയകുന്ന്. പിആര്‍ഒ എം.കെ. ഷെജിന്‍ ആലപ്പുഴ.
പ്രതികരിക്കാൻ ഇവിടെ എഴുതുക: