കണ്ണൂര്: പനി ചികിത്സിക്കാന് വൈകിയ കാരണത്താല് പതിനൊന്നുകാരി രോഗം മൂര്ച്ഛിച്ച് മരിച്ചു. കണ്ണൂര് നാലുവയലിലെ ഹിദായത്ത് വീട്ടിലെ ഫാത്തിമയാണ് മരിച്ചത്. കഴിഞ്ഞ മൂന്ന് ദിവസമായി ഫാത്തിമയ്ക്ക് കടുത്ത പനി ഉണ്ടായിരുന്നു. എന്നാല് കുടുംബം വൈദ്യചികിത്സയ്ക്ക് പകരം മതപരമായ ചികിത്സയാണ് നല്കിയതെന്ന് അയല്വാസികള് ആരോപിച്ചു.
ദിവസങ്ങളായി പനി ബാധിച്ചിരുന്ന ഫാത്തിമയെ ആശുപത്രിയിലെത്തിക്കാന് കുടുംബം തയാറായില്ല. പകരം മതപണ്ഡിതന്റെ അശാസ്ത്രീയമായ ചികിത്സയാണ് നല്കിയത്. സ്ഥിതി അതീവ ഗുരുതരമായതോടെയാണ് ഇന്ന് പുലര്ച്ചെ കണ്ണൂര് നഗരത്തിലെ ഒരു സ്വാകാര്യ ആശുപത്രിയില് പ്രവേശിപ്പിച്ചത്. അപ്പോഴേയ്ക്കും മരണം സംഭവിച്ചുകഴിഞ്ഞിരുന്നു.
തികച്ചും യാഥാസ്ഥിതികരായ ഫാത്തിമയുടെ കുടുംബം വൈദ്യശാസ്ത്ര ചികിത്സയ്ക്ക് പകരംമതപരമായ ചികിത്സകള് നല്കുന്നവരാണെന്ന് നാട്ടുകാര് ആരോപിക്കുന്നു. ഇത്തരത്തില് ഫാത്തിമയുടെ വേറൊരു ബന്ധുവും വര്ഷങ്ങള്ക്ക് മുന്പ് മരിച്ചതായും അവര് ചൂണ്ടിക്കാട്ടി.
