എണ്ണകമ്പനികള്‍ ഇന്നും ഇന്ധന വില വര്‍ധിപ്പിച്ചു; കേരളത്തില്‍ പെട്രോള്‍ വില 111 കടന്നു; ഡീസല്‍ 104.88

മുംബൈ: രാജ്യത്ത് ഇന്ധന വില ഇന്നും എണ്ണകമ്പനികള്‍ വര്‍ദ്ധിച്ചു.  പെട്രോള്‍ ലിറ്ററിന് 35 പൈസയും ഡീസലിന് 37 പൈസയുമാണ് വര്‍ദ്ധിപ്പിച്ചത്. ഇതോടെ  തിരുവനന്തപുരത്ത് പെട്രോളിന് 111 രൂപ കടന്നു. പെട്രോളിന് 111.15 രൂപയും, ഡീസലിന് 104.88 രൂപയുമാണ് വില.  കൊച്ചിയില്‍ പെട്രോളന് 108.95 രൂപയും, ഡീസല്‍ 102.80 രൂപയുമാണ് വില. കോഴിക്കോട് ജില്ലയില്‍ പെട്രോളിന് 109.52 രൂപയും ഡീസലിന് 102.94 രൂപയുമാണ് ഇന്നത്തെ വില. കഴിഞ്ഞ ഒരു മാസത്തിനിടെ പെട്രോളിന് ഒന്‍പത് രൂപയും ഡീസലിന് ഏഴ് രൂപയുമാണ് എണ്ണകമ്പനികള്‍ വര്‍ധിപ്പിച്ചത്.