കൊച്ചി: നടന്‍ ദിലീപിന്റെ വീട്ടില്‍ അതിക്രമിച്ച് കയറിയ ആള്‍ അറസ്റ്റിലായി. തൃശൂര്‍ നടത്തറ സ്വദേശി വിമല്‍ വിജയ് ആണ് ആലുവ പോലീസിന്റെ പിടിയിലായത്. ഈ മാസം അഞ്ചിനായിരുന്നു സംഭവം. ദിലീപിന്റെ ആലുവയിലെ വീട്ടില്‍ വിമല്‍ അതിക്രമിച്ചു കയറുകയും വീട്ടുകാരെ അസഭ്യം പറയുകയുമായിരുന്നു. ചിത്രങ്ങള്‍ എടുക്കുകയും ചെയ്തു. ദിലീപിനെ കാണാനായി എത്തിയതാണ് വിമല്‍. ചില സിനിമകളില്‍ ചെറിയ വേഷങ്ങള്‍ ചെയ്തിരുന്നെന്നാണ് പോലീസിനു ലഭിക്കുന്ന വിവരം.
ദിലീപിന്റെ വീടിന് അകത്തേക്ക് പ്രവേശിക്കാന്‍ സെക്യൂരിറ്റിക്കാര്‍ അനുവദിക്കാത്തതിനെ തുടര്‍ന്ന് ആദ്യം ബഹളമുണ്ടാക്കി. പിന്നീട് ഗേറ്റ് ചാടി കിടക്കുകയും ചെയ്തു. പിന്നീട് നാട്ടുകാര്‍ എത്തിയപ്പോഴേക്കും ഇവിടെനിന്ന് കടന്നുകളയുകയായിരുന്നു. അങ്കമാലിയില്‍ നിന്ന് ഓട്ടോ വിളിച്ചായിരുന്നു ഇയാള്‍ ദിലീപിന്റെ വീട്ടില്‍ എത്തിയത്.അതേ ഓട്ടോയില്‍ തന്നെയാണ് സ്ഥലത്തുനിന്ന് കടന്നുകളഞ്ഞത്. ഇതേതുടര്‍ന്നാണ് ഓട്ടോ കേന്ദ്രീകരിച്ച് അന്വേഷണം നടത്തിയത്. തുടര്‍ന്നാണ് പ്രതിയെ പിടിയിലായത്.
ഇന്‍സ്‌പെക്ടര്‍ സി.എല്‍. സുധീര്‍, എസ് ഐ. കെ.വി.ജോയി, എ എസ് ഐ പി.എ.ഇക്ബാല്‍, സി.പി.ഒ.മാരായ മാഹിന്‍ ഷാ അബൂബക്കര്‍, മുഹമ്മദ് അമീര്‍, എച്ച് ഹാരിസ് തുടങ്ങിയവരാണ് അന്വേഷണ സംഘത്തില്‍ ഉണ്ടായിരുന്നത്.
പ്രതികരിക്കാൻ ഇവിടെ എഴുതുക: