പുതുമുഖങ്ങളെ പ്രധാന കഥാപാത്രങ്ങളാക്കി ബിജു സി. കണ്ണന്‍ സംവിധാനം ചെയ്യുന്ന ‘നൃത്തം’ എന്ന ചിത്രത്തിന്റെ പൂജയും സ്വിച്ചോണ്‍ കര്‍മ്മവും കടമക്കുടിയില്‍ വെച്ച് നടന്നു. സൗണ്ട് ഓഫ് ആര്‍ട്‌സിന്റെ ബാനറില്‍ സന്തോഷ് അമ്പാട്ട്, സവാദ് ആലുവ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
അതിജീവനത്തിനായി നീതിക്കു വേണ്ടി പോരാടുന്ന നിസ്സഹായയായ ഒരു പെണ്‍കുട്ടിയുടെ ഹൃദയ സ്പര്‍ശിയായ കഥയാണ് നൃത്തത്തിലൂടെ പറയുന്നത്. കായംകുളത്താണ് ചിത്രീകരണം.
ഷാരുഖ് ഷാജഹാന്‍, റഫീഖ് ചൊക്ലി, ഫൈസല്‍, എന്‍.സി. മോഹന്‍, കിജന്‍ രാഘവന്‍, ബാബു മണപ്പള്ളി, ലതാ ദാസ്, ബെന്ന ജോണ്‍, വിസ്മയ എന്നീ പുതുമുഖങ്ങളാണ് ചിത്രത്തില്‍ കേന്ദ്ര കഥാപാത്രമാകുന്നത്. ഇത് കൂടാതെ പ്രമുഖ താരങ്ങളും ചിത്രത്തില്‍ വേഷമിടുന്നുണ്ട്.
രഞ്ജിത്ത് ദിവാനാണ് ഛായാഗ്രാഹണം. കഥ- സന്തോഷ് അമ്പാട്ട്, തിരക്കഥ, സംഭാഷണം- സന്തോഷ് അമ്പാട്ട്, എം.മജു രാമന്‍. സന്തോഷ് അമ്പാട്ടിന്റെ വരികള്‍ക്ക് രാഹുല്‍ ചുമപ്പാട്ട് സംഗീതം പകരുന്നു. എഡിറ്റര്‍ മുകേഷ് മുരളി, എക്‌സിക്യൂട്ടീവ് പ്രൊഡ്യൂസര്‍- ഷാജി കോഴിക്കോടന്‍, പ്രൊഡക്ഷന്‍ കണ്‍ട്രോളര്‍- ഷാജി ഒലവക്കോട്, വാര്‍ത്ത പ്രചരണം- എ.എസ്. ദിനേശ്.
പ്രതികരിക്കാൻ ഇവിടെ എഴുതുക: