തിരുവനന്തപുരം: തിരുവനന്തപുരം അന്താരാഷ്ട്ര വിമാനത്താവളം ഏറ്റെടുക്കുന്നതിന്റെ ഭാഗമായി എയര്ലൈന്സ് കമ്പനികളുമായി ചര്ച്ച നടത്തി അദാനി ഗ്രൂപ്പ്. വിമാനത്താവളത്തിലേക്ക് കൂടുതല് സര്വീസുകള് എത്തിക്കാനാണ് അദാനി ഗ്രൂപ്പ് ശ്രമിക്കുന്നത്. ഗള്ഫ് രാജ്യങ്ങിലേക്കുള്ള സര്വീസുകള് വര്ദ്ധിപ്പിക്കാനാണ് ആദ്യപടിയായി അദാനി ഗ്രൂപ്പ് ശ്രമിക്കുന്നത്.
തിരുവനന്തപുരത്തുനിന്ന് വിവിധ രാജ്യങ്ങളിലേക്ക് നിലവില് നേരിട്ട് സര്വിസുകളില്ല. ഇതിനാല് യാത്രക്കാര് കൊച്ചി അടക്കമുള്ള വിമാനത്താവളങ്ങളെയാണ് ആശ്രയിക്കുന്നത്. ഇത് ഒഴിവാക്കാനാണ് അദാനി ശ്രമിക്കുന്നത്. തമിഴ്നാട്ടിലെ യാത്രക്കാരെയും അതിലൂടെ തിരുവനന്തപുരം വിമാനത്താവളത്തിലേക്ക് എത്തിക്കാനാണ് ശ്രമിക്കുന്നത്.
സര്വീസുകള് വര്ദ്ധിക്കുമ്പോള്ട യാത്രക്കാരുടെ എണ്ണത്തിന് വര്ധന ഉണ്ടാകുന്നതിനൊപ്പം എയര്ലൈനുകളില്നിന്ന് ലഭിക്കുന്ന ഓപറേഷന് ചാര്ജും വാടകയിനത്തില് കിട്ടുന്ന തുകയും അദാനിക്ക് ലാഭമായി മാറും. എയര്ലൈസുകളുടെ ഹാന്ഡിലിങ് ഏജന്സികള് ഓരോ വിമാനത്തില്നിന്ന് ലഭിക്കുന്ന വരുമാനത്തിന്റെ 31.8 ശതമാനം ഫീസായി നേരത്തേ എയര്പോര്ട്ട് അതോറിറ്റിക്ക് നല്കിയിരുന്നു. രാജ്യന്തര ടെര്മിനലില് 32 വിമാനവും ആഭ്യന്തര ടെര്മിനലില് 42 വിമാനവുമാണ് സര്വിസ് നടത്തിയിരുന്നത് ഇതില് പകുതിയിലധികം സര്വിസുകളെയാണ് പിന്നീട് വെട്ടിക്കുറച്ചത്. ഇതില് സൗദി എയര്ലൈന്സ് ഉള്പ്പെടെയുള്ള സര്വിസുകളെ തിരുവനന്തപുരത്തുനിന്ന് വെട്ടിമാറ്റി സംസ്ഥാനത്തെ മറ്റു വിമാനത്താവളങ്ങളിലേക്ക് കൈമാറിയിരുന്നു. ഈ സര്വീസുകള് തിരികെ കൊണ്ടുവരാനാണ് അദാനി ഗ്രൂപ്പ് ഇപ്പോള് ശ്രമിക്കുന്നത്.
സൗദി എയര്ലൈന്സ് ഉള്പ്പെടെയുള്ള സര്വിസുകള് മടക്കിയെത്തിക്കുന്നതിനൊപ്പം പുതിയ സര്വിസുകള്കൂടി കൊണ്ടുവരാനുള്ള ചര്ച്ചകളാണ് പുരോഗമിക്കുന്നത്. പല വിമാനക്കമ്പനികളുമായി അദാനി നടത്തിയ ചര്ച്ച വിജയമാണ്. തിരുവനന്തപുരത്തുനിന്ന് സര്വീസ് നടത്തുന്നതിന് കൂടുതല് വിമാനകമ്പനികള് രംഗത്തെത്തിയിട്ടുണ്ട്. കൂടുതല് സര്വ്വീസുകള്
തിരുവനന്തപുരത്തുനിന്ന് ആരംഭിക്കുന്നതോടെ ടിക്കറ്റ് നിരക്കുകള് വിമാനക്കമ്പനികള്ക്ക് കുറക്കേണ്ടിവരും. ഇത് യാത്രക്കാര്ക്ക് കൂടുതല് ഉപകാരപ്പെട്ടകയും തിരുവനന്തപുരത്തിന്റെ വികസനത്തിന് ആക്കം കൂട്ടും. ആരംഭിച്ചാല് ടിക്കറ്റ് നിരക്കുകള് വിമാനക്കമ്പനികള്ക്ക് താഴ്ത്തേണ്ടിവരും. ഇത് യാത്രക്കാര്ക്ക് പ്രയോജമാകുന്നതിനൊപ്പം വിമാനത്താവളത്തിലേക്ക് കൂടുതല് യാത്രക്കാര് എത്തുകയും ചെയ്യും.
