ദുബായ്: മത്സരത്തിനിടെ കാമുകിയോട് വിവാഹാഭ്യര്ഥന നടത്തിയ ദീപക് ചാഹറിനെ കേക്കില് കുളിപ്പിച്ച് ധോണിയും സംഘവും. കിങ്സ് ഇലവന് പഞ്ചാബിനെതിരായ മത്സരത്തിനിടെയാണ് ചാഹര് കാമുകി ജയ ഭരദ്വാജിനോട് വിവാഹാഭ്യര്ഥന നടത്തിയത്. ഇതിന് ശേഷം ടീം ഹോട്ടലിലേക്കെത്തിയ ഇരുവര്ക്കും വരവേല്പ്പ് നല്കിയ ടീം കേക്കും ഒരുക്കിയിരുന്നു. കേക്ക് മുറിച്ച ചാഹറിനെ പിന്നില് നിന്ന് കുരുക്കി ധോണിയാണ് ആദ്യം മുന്നിട്ടിറങ്ങിയത്. പിന്നാലെ റെയ്നയും ജഡേജയും ഉത്തപ്പയുമെല്ലാം ചാഹറിനെ പിടിച്ചുകെട്ടി. കേക്കും മറ്റ് നിറങ്ങളും തലവഴി വാരിയൊഴിച്ചു.
ഒടുവില് നിലത്തിട്ട ശേഷം പിറകിലെ വാതിലിലൂടെ ഓടിയൊളിക്കുന്ന ദൃശ്യവും ചെന്നൈ സൂപ്പര് കിങ്സ് ഔദ്യോഗികമായി പുറത്തുവിടുകയായിരുന്നു. ചെന്നൈ ടീമിലെ താരങ്ങളുടെ ഭാര്യമാരുള്പ്പെടെ മുഴുവന് സംഘവുമായാണ് ചാഹറിനെയും ജയയെയും വരവേറ്റത്.
