‘ദൈവത്തിന്റെ പേരാളികള്‍’ കൂറ്റന്‍ വിജയം ലക്ഷ്യമിട്ട് കളി തുടങ്ങി. സണ്‍റൈസേഴ്‌സ് ഹൈദരാബാദിനെതിരെ മികച്ച തുടക്കമാണ് മുംബൈ ഇന്ത്യന്‍സ് ലഭിച്ചിരിക്കുന്നത്. ടോസ് ലഭിച്ച മുംബൈ ബാറ്റിങ്ങ് തെരഞ്ഞെടുക്കുകയായിരുന്നു. പത്ത് ഓവര്‍ പൂര്‍ത്തിയായപ്പോള്‍ ഒരു വിക്കറ്റ് നഷ്ടത്തില്‍ 101 എന്ന നിലയിലാണ് മുംബൈ.
ഇന്നത്തെ കളിയില്‍ പടുകൂറ്റന്‍ വിജയം നേടിയാല്‍ മാത്രമേ അവര്‍ക്ക് പ്ലേ ഓഫിലേക്ക് കടക്കാന്‍ തുണയാകു.ചുരുങ്ങിയത് 171 റണ്‍സിനെങ്കിലും സണ്‍റൈസേഴ്സിനെ തോല്‍പ്പിച്ചാല്‍ മാത്രമേ മുംബൈയ്‌ക്ക് പ്ലേ ഓഫിലേക്ക് കടക്കാന്‍ സാധിക്കു.
കഴിഞ്ഞ ദിവസം നടന്ന മത്സരത്തില്‍ രാജസ്ഥാന്‍ റോയല്‍സിനെ തകര്‍ത്ത് കൊല്‍ക്കത്ത നൈറ്റ് റൈഡേഴ്സ് പ്ലേ ഓഫ് ഏതാണ്ട് ബെഞ്ച് ഏതാണ് ഉറപ്പിച്ചു. ഇനി അത്ഭുതങ്ങള്‍ സംഭവിച്ചില്ലെങ്കില്‍ കൊല്‍ക്കത്ത പ്ലേ ഓഫില്‍ എത്തുന്ന നാലാം ടീമാകും. ഇന്ന് ജയിച്ചാല്‍ മുംബൈയ്‌ക്കും കൊല്‍ക്കത്തയ്‌ക്കും ഒരേ പോയന്റ് ആകുമെങ്കിലും നെറ്റ് റണ്‍റേറ്റിന്റെ ബലത്തിലാണ് കൊല്‍ക്കത്ത പ്ലേ ഓഫ് ഉറപ്പിക്കുന്നത്. അവസാന മത്സരത്തില്‍ രാജസ്ഥാന്‍ റോയല്‍സിനെ എട്ട് വിക്കറ്റിന് തകര്‍ത്തതിന്റെ ആത്മവിശ്വാസത്തിലാണ് മുംബൈ ഇന്ന് കളിക്കാനിറങ്ങുന്നത്.
പ്രതികരിക്കാൻ ഇവിടെ എഴുതുക: