ആലപ്പുഴ: കേരളീയ നവോത്ഥാനത്തിനും ജാതി രഹിത സമൂഹത്തിനും സാമൂഹ്യ നീതിയ്ക്കും വേണ്ടി പോരാടിയ കേരളഗാന്ധി കെ കേളപ്പന് പടുത്തുയര്ത്തിയ കേരളീയ മോഡല് പുനര്സൃഷ്ടിക്കണമെന്ന് ബിഎംഎസ് സംസ്ഥാന വൈസ് പ്രസിഡന്റ് അഡ്വ: എസ് ആശാമോള്. കേരള എന്ജിഒ. സംഘ് ആലപ്പുഴ കളക്ടറേറ്റില് സംഘടിപ്പിച്ച കേളപ്പജി അനുസ്മരണം ഉദ്ഘാടനം ചെയ്യുകയായിരുന്നു.
സ്വാതന്ത്രത്തിന്റെ എഴുപത്തഞ്ചാം വര്ഷവും കെ.കേളപ്പന് സ്മൃതിയുടെ അന്പതാം വര്ഷവും ഒന്നിച്ച ഈ സവിശേഷ സാഹചര്യത്തെ കേരള സര്ക്കാര് വിസ്മരിച്ചത് പൊതു സമൂഹം ചര്ച്ച ചെയ്യണമെന്നും അവര് പറഞ്ഞു.
എന്ജിഒ സംഘ് സംസ്ഥാന ജോ:സെക്രട്ടറി ജെ.മഹാദേവന് മുഖ്യ പ്രഭാഷണം നടത്തി. ജില്ലാ സെക്രട്ടറി ശ്രീജിത്ത് എസ് കരുമാടി, ജില്ലാ ട്രഷറര് എല്. ദിലീപ് കുമാര്, സംസ്ഥാന സമിതി അംഗം കെ.ആര്. വേണു, ജില്ലാ സമിതി അംഗങ്ങളായ എം.എസ് അനില് കുമാര്, കെ.ആര് ദേവിദാസ്, മധു, പത്മകുമാര് എന്നിവര് സംസാരിച്ചു.
