ന്യൂദല്‍ഹി : ജനങ്ങള്‍ക്ക് നവരാത്രി ആശംസകളുമായി പ്രധാനമന്ത്രി നരേന്ദ്രമോദി. നവരാത്രി ദിനങ്ങള്‍ എല്ലാവരുടേയും ജീവിതത്തില്‍ ശക്തിയും ആരോഗ്യവും സമൃദ്ധിയും പ്രദാനം ചെയ്യട്ടേയെന്നും പ്രധാനമന്ത്രി അറിയിച്ചു. ട്വിറ്ററിലൂടെയാണ് പ്രധാനമന്ത്രി ആശംസകള്‍ അറിയിച്ചത്.
‘എല്ലാവര്‍ക്കും നവരാത്രി ആശംസകള്‍. ജഗത് ജനനിയെ ആരാധിക്കുന്ന ദിനങ്ങളാണ് ഇനി വരുന്നത്. ഈ നവരാത്രി എല്ലാവരുടെ ജീവതത്തിലും ഐശ്വര്യവും ആരോഗ്യവും സമൃദ്ധിയും നല്‍കുന്നതാകട്ടെയെന്ന് ആശംസിക്കുന്നു’ എന്നായിരുന്നു മോദിയുടെ ട്വീറ്റ്. ദുര്‍ഗാദേവിക്ക് മുന്നില്‍ പ്രാര്‍ത്ഥന നടത്തുന്ന ചിത്രവും പ്രധാനമന്ത്രി ട്വീറ്റിനോടൊപ്പം പങ്കു വച്ചിട്ടുണ്ട്.
ശൈലപുത്രി ദേവിയെ സ്തുതിക്കുന്ന ഒരു ശ്ലോകവും മറ്റൊരു ട്വീറ്റില്‍ അദ്ദേഹം പങ്കുവച്ചിട്ടുണ്ട്. നവരാത്രിയുടെ ഒന്നാം ദിവസമായ ഇന്ന് ശൈലപുത്രി ദേവിയെ ആരാധിക്കുന്ന ദിനമാണ്. രാജ്യത്തിന്റെ ഓരോ ഭാഗത്തും വ്യത്യസ്തമായ രീതിയിലാണ് നവരാത്രി ആഘോഷം നടത്തുന്നത്. നവരാത്രിയുടെ ഒന്‍പത് ദിവസങ്ങളിലും ദേവിയുടെ ഓരോ ഭാവത്തെയാണ് ആരാധിക്കുന്നത്. ഇന്ന് ആരംഭിക്കുന്ന ആഘോഷങ്ങള്‍ ഈ മാസം 15 വരെ നീളും. 13നാണ് അഷ്ടമി.
പ്രതികരിക്കാൻ ഇവിടെ എഴുതുക: