മാലി: സാഫ് കപ്പ് ഫുട്‌ബോള്‍ ചാമ്പ്യന്‍ഷിപ്പിലെ ആദ്യ മത്സരത്തില്‍ ഇന്ത്യക്ക് സമനില. ബംഗ്ലാദേശാണ് ഇന്ത്യയെ സമനിലയില്‍ പിടിച്ചത്. പത്ത് പേരുമായി ചുരുങ്ങിയിട്ടും ബംഗ്ലാദേശ് സമനില പിടിക്കുകയായിരുന്നു.
26-ാം മിനിറ്റില്‍ സുനില്‍ ഛേത്രിയാണ് ഇന്ത്യക്കായി ഗോള്‍ നേടിയത്. ആദ്യ പകുതിയില്‍ മുന്നിലെത്തിയ ഇന്ത്യ വിജയിക്കുമെന്ന് തോന്നിച്ചെങ്കിലും 74-ാം മിനിറ്റില്‍ ബംഗ്ലാദേശ് തിരിച്ചടിച്ചു. യാസിന്‍ ഇരാഫത് ഗോള്‍ നേടി. 54-ാം മിനിറ്റില്‍ ബിശ്വനാഥ് ഘോഷ് ചുവപ്പ് കാര്‍ഡ് കിട്ടി പുറത്തുപോയി. ഇതോടെ ഇന്ത്യയുടെ സാധ്യത കൂടുതല്‍ വര്‍ധിച്ചെങ്കിലും ബംഗ്ലാദേശ് പിടിച്ചുകെട്ടി. പലപ്പോഴും അലസമായി പന്തിന് പിറകെ ഓടുകയായിരുന്നു ഇന്ത്യ.
മത്സരത്തിലാകെ 12 ഷോട്ടുകളാണ് ഇന്ത്യ പായിച്ചത്. ബംഗ്ലാദേശ് ഏഴ്. മത്സരത്തില്‍ ആധിപത്യം പുലര്‍ത്തിയെങ്കിലും ഗോളിലേക്കെത്തിയില്ല. ആദ്യ മത്സരത്തില്‍ വിജയിച്ച ബംഗ്ലാദേശാണ് പോയിന്റ് പട്ടികയില്‍ ഒന്നാമത്. ഏഴിന് ശ്രീലങ്കയുമായാണ് ഇന്ത്യയുടെ അടുത്ത മത്സരം.
പ്രതികരിക്കാൻ ഇവിടെ എഴുതുക: