കോട്ടയം ; പാലാ സെന്റ് തോമസ് കോളേജ് ക്യാമ്പസില്‍ വിദ്യാര്‍ത്ഥിനിയെ കഴുത്തറത്ത് കൊന്നു. തലയോലപ്പറമ്പ് സ്വദേശി നിതിന മോള്‍ ആണ് മരിച്ചത്. സപ്ലിമെന്ററി പരീക്ഷ എഴുതാന്‍ എത്തിയപ്പോഴാണ് സംഭവം. കൂത്താട്ടുകുളം സ്വദേശി അഭിഷേകാണ് നിതിന മോളിനെ അപകടപ്പെടുത്തിയത്.
പ്രണയാഭ്യര്‍ത്ഥന പലതവണ നിരസിച്ചതിനെ തുടര്‍ന്ന് പ്രതികാരത്തെ തുടര്‍ന്നാണ് ആക്രമണം. ഇന്ന് നിതിന പരീക്ഷയ്‌ക്കായി കോളേജിലെത്തിയപ്പോള്‍ അഭിഷേക് ഹാക്‌സോ ബ്ലേഡ് പോലുള്ള കത്തിയുമായി ആക്രമിക്കുകയായിരുന്നു. തുടര്‍ന്ന് ആശുപത്രിയില്‍ എത്തിയെങ്കിലും നിതിന മരിച്ചു.
പ്രതിയെ പാലാ പോലീസ് കസ്റ്റഡിയില്‍ എടുത്തു. ഇരുവരും സെന്റ് തോമസ് കോളേജിലെ ബി വോക് എന്ന വൊക്കേഷണല്‍ കോഴ്‌സ് വിദ്യാര്‍ത്ഥികളാണ്. പെണ്‍കുട്ടിയുടെ മൃതദേഹം ഇപ്പോള്‍ മരിയന്‍ മെഡിക്കല്‍ സെന്ററില്‍ സൂക്ഷിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക: