മോഹന്‍ലാലിന്റെ പഴയ ഹെയര്‍സ്‌റ്റൈലില്‍ ഇപ്പോഴുള്ള രൂപം എങ്ങനെയുണ്ടാകും. അങ്ങനെ സങ്കല്‍പ്പിച്ച് വരച്ചത് ആരാധകര്‍ ഏറ്റെടുത്താലോ. ഏതായാലും അതാണിപ്പോള്‍ സംഭവിച്ചത്. മാസ് ലുക്കിലുള്ള മോഹന്‍ലാലിന്റെ ആ ചിത്രം സോഷ്യല്‍ മീഡിയയില്‍ വൈറലാകുകയാണ്.
സിനിമാ മേഖലയില്‍ കണ്‍സപ്റ്റ് ആര്‍ട്ടിസ്റ്റായി ജോലി ചെയ്യുന്ന സേതു ശിവാനന്ദന്‍ ആണ് ചിത്രം വരച്ചത്. ചുമ്മാ ഒരു കണ്‍സപ്റ്റ് എന്ന അടിക്കുറിപ്പോടെയാണ് സേതു ചിത്രം ഫേസ്ബുക്കില്‍ പോസ്റ്റ് ചെയ്തത്. കറുത്ത മുണ്ടും ഷര്‍ട്ടും വേഷത്തില്‍, കൂളിംഗ് ഗ്ലാസുമുണ്ട്. മൊത്തത്തില്‍ ഒരു ആടുതോമ സ്റ്റൈലില്‍. ‘ഈയൊരു കണ്‍സപ്റ്റില്‍ സിനിമ വന്നാല്‍ കലക്കും. മാസ് ലുക്ക്’ തുടങ്ങി സേതുവിനെ അഭിനന്ദിച്ച കമന്റുകളുമുണ്ട്.
മോഹന്‍ലാലിന്റെ ചിത്രങ്ങള്‍ വരച്ച് സേതു നേരത്തെയും സോഷ്യല്‍ മീഡിയയില്‍ താരമായിട്ടുണ്ട്. മോഹന്‍ലാല്‍ ഫാന്‍സിന് വേണ്ടി ഒടിയന്റെ ചിത്രം വരച്ചിരുന്നു. ഇത് ലാലിന് ഏറെ ഇഷ്ടപ്പെടുകയും ചെയ്തു. അതോടെ സേതുവിന് താരവുമായി സൗഹൃദവുമുണ്ട്.
പ്രതികരിക്കാൻ ഇവിടെ എഴുതുക: