തിരുവനന്തപുരം : ആരെങ്കിലും പറയുന്നത് കേട്ട് പറയുന്നത് കേട്ട് വിവരക്കേട് വിളിച്ചു പറയുന്ന വ്യക്തിത്വമല്ല പാലാ ബിഷപ്പ് മാര്‍ ജോസഫ് കല്ലറങ്ങാട്ടെന്ന് ബിജെപി സംസ്ഥാന സെക്രട്ടറി അഡ്വ. പ്രകാശ് ബാബു. പാലാ ബിഷപ്പിന്റെ പ്രസ്താവന അതിരു കടന്നതാണെന്നും മതങ്ങളെ ഭിന്നിപ്പിക്കാനുള്ളതാണെന്നുമുള്ള പ്രതിപക്ഷ നേതാവ് വി.ഡി. സതീശന്റെ പരാമര്‍ശത്തില്‍ ഫേസ്ബുക്കിലൂടെ മറുപടി നല്‍കുകയായിരുന്നു പ്രകാശ് ബാബു.
ബിഷപ്പ് പങ്കുവച്ച ആശങ്ക പരിശോധിക്കുകയും പഠിക്കുകയും ചെയ്യുന്നതിനു പകരം ക്രിസംഘിയായി മുദ്രകുത്തി വളഞ്ഞിട്ടാക്രമിക്കാമെന്ന കാലമൊക്കെ കഴിഞ്ഞു. ബിഷപ്പ് പറഞ്ഞ നഗ്‌ന സത്യം കേട്ടപ്പോള്‍ താങ്കള്‍ക്ക് പൊള്ളിയെങ്കില്‍ അത് ഗൗരവകരമാണ്. ജിഹാദികള്‍ക്ക് മാത്രം പൊള്ളിയാല്‍ പോരായിരുന്നോ എന്തായാലും ഈ വിഷയം മുസ്ലിം സമുദായം ഏറ്റെടുക്കുമെന്ന് തോന്നുന്നില്ല.
ചോദ്യപേപ്പറില്‍ മുഹമ്മദ് എന്ന സാങ്കല്‍പ്പിക പേര് പരാമര്‍ശിച്ചതിന്റെ പേരില്‍ തൊടുപുഴ ന്യൂമാന്‍ കോളജ് പ്രൊഫസര്‍ ജോസഫ് സാറിന്റെ കൈപ്പത്തി ജിഹാദികള്‍ അറുത്തുമാറ്റി. കുടുംബത്തെ ഒറ്റപ്പെടുത്തിയപ്പോഴും പിന്നീട് പ്രാരാബ്ദങ്ങളുടെയും നടുവില്‍ സാറിന്റെ പത്‌നി ജീവിതമവസാനിപ്പിച്ചപ്പോഴും ദൈവത്തിന്റെ സ്വന്തം നാട്ടില്‍ നിന്ന് ജിഹാദികള്‍ മതപരിവര്‍ത്തനം നടത്തി നിമിഷയെ ഫാത്തിമയാക്കിയും സോണിയ സെബാസ്റ്റ്യനെ ആയിഷയാക്കി മാറ്റി തീവ്രവാദ ക്യാമ്പുകളിലെത്തിച്ചപ്പോള്‍ താങ്കള്‍ കാശിക്കു പോയതായിരുന്നോ.
ഏതെങ്കിലും ജിഹാദികളുടെയോ അവര്‍ക്കുവേണ്ടി പണിയെടുക്കുന്നവരുടെയോ കൈയ്യില്‍ നിന്നും നക്കാന്‍ വല്ലതും കിട്ടിയിട്ടുണ്ടെങ്കില്‍ കിട്ടിയതും നക്കി മിണ്ടാതിരിക്കണം. കേരളം തീവ്രവാദികളുടെ റിക്രൂട്ടിങ് സെന്ററാണെന്നും തീവ്രവാദ സ്ലീപ്പിങ് സെല്ലുകള്‍ കേരളത്തില്‍ സജീവമാണെന്നും പറഞ്ഞത് പാലാ ബിഷപ്പല്ല കേരളത്തിന്റെ മുന്‍ പോലിസ് മേധാവി തന്നെയാണ്. വി.ഡി. സതീശനും ജിഹാദി കുഴലൂത്തുകാര്‍ക്കും വേണ്ടത് പത്ത് വോട്ടും അധികാരക്കസേരയുമാണ്. അതിനു വേണ്ടി സകല തീവ്രവാദ സംഘടനകളെയും അവരുടെ പ്രവൃത്തികളെയും മതവുമായി കൂട്ടിക്കെട്ടി വെള്ളപൂശി നിസാരവല്‍ക്കരിച്ച് ലീഗിന്റെ തിണ്ണ നിരങ്ങാന്‍ പോയതുകൊണ്ടാണ് താങ്കളുടെ പാര്‍ട്ടി ഇന്ന് കുഴിയില്‍ കാലും നീട്ടിയിരിക്കുന്നതെന്നും പ്രകാശ് ബാബു രൂക്ഷമായി വിമര്‍ശിച്ചു.
പ്രതികരിക്കാൻ ഇവിടെ എഴുതുക: