തിരുവനന്തപുരം: താലിബാന്‍ ഭാരതത്തെ ലക്ഷ്യമിട്ടും ചില നീക്കങ്ങള്‍ നടത്തുന്നുവെന്ന റിപ്പോര്‍ട്ടുകളില്‍ ജാഗ്രത വേണമെന്ന് പ്രധാനമന്ത്രിക്കയച്ച കത്തില്‍ കേരള കോണ്‍ഗ്രസ് വര്‍ക്കിംഗ് ചെയര്‍മാനും മുന്‍ കേന്ദ്രമന്ത്രിയുമായി പി.സി. തോമസ്.
കേരളത്തിലും താലിബാനുമായി ബന്ധപ്പെട്ട ചിലരെ കണ്ടതായി വാര്‍ത്ത പുറത്ത് വന്നിട്ടുണ്ട്. ഇതിന്റെ നിജസ്ഥിതി വ്യക്തമല്ല. എങ്കിലും സുരക്ഷയുമായി ബന്ധപ്പെട്ടുള്ള കാര്യങ്ങള്‍ ശ്രദ്ധയോടെ വീക്ഷിക്കണമെന്നും തോമസ് കത്തില്‍ ചൂണ്ടിക്കാട്ടുന്നു. ഭാരതത്തിലെ മുസ്ലിങ്ങളോട് പ്രത്യേക താല്‍പര്യം പ്രകടിപ്പിച്ച് അവരെ രക്ഷിക്കാന്‍ താലിബാന്‍ നീക്കങ്ങള്‍ നടത്തുന്നുവെന്ന ചില വാര്‍ത്തകള്‍ വന്നെങ്കിലും ഭാരതത്തിലെ മുസ്ലിങ്ങള്‍ ഇതിനെ അവജ്ഞയോടെ മാത്രമേ കാണൂ. – അദ്ദേഹം പറഞ്ഞു.
ഭാരതത്തിലെ മുസ്ലിങ്ങള്‍ താലിബാന്റെ ചതിക്കുഴിയില്‍ വീഴില്ല. എന്നാല്‍ രാജ്യത്ത് ചില ഭിന്നതകള്‍ വരുത്താനായിരിക്കും താലിബാന്റെ ലക്ഷ്യം. – തോമസ് അഭിപ്രായപ്പെട്ടു. പ്രധാനമന്ത്രിക്ക് പുറമെ, ആഭ്യന്തരമന്ത്രിക്കും പ്രതിരോധമന്ത്രിക്കും തോമസ് ഇ-മെയില്‍ സന്ദേശം അയച്ചിട്ടുണ്ട്.
പ്രതികരിക്കാൻ ഇവിടെ എഴുതുക: