തിരുവനന്തപുരം: ഉപതെരഞ്ഞെടുപ്പിന് മുന്നോടിയായി 12 ജില്ലകളിലെ 32 തദ്ദേശ വാര്‍ഡുകളിലെ കരട് വോട്ടര്‍ പട്ടിക പ്രസിദ്ധീകരിച്ചു. കരട് വോട്ടര്‍പട്ടിക www.lsgelection.kerala.gov.in എന്ന വെബ് സൈറ്റിലും പഞ്ചായത്ത്, നഗരസഭ, താലൂക്ക്, വില്ലേജ് ഓഫീസുകളിലും ലഭിക്കും. ഈ മാസം 20 വരെ വോട്ടര്‍പട്ടികയില്‍ പേര് ചേര്‍ക്കാം. കരട് പട്ടിക സംബന്ധിച്ച ആക്ഷേപങ്ങളും 20 വരെ സമര്‍പ്പിക്കാം. 30ന് അന്തിമ വോട്ടര്‍പട്ടിക പ്രസിദ്ധീകരിക്കും.
ആലപ്പുഴ ജില്ലാ പഞ്ചായത്തിലെ അരൂര്‍, പാലക്കാട് ജില്ലാ പഞ്ചായത്തിലെ ശ്രീകൃഷ്ണപുരം, കോഴിക്കോട് ജില്ലാ പഞ്ചായത്തിലെ നന്മണ്ട വാര്‍ഡുകളിലും തിരുവനന്തപുരം ചിറയിന്‍കീഴ് ബ്ലോക്ക് പഞ്ചായത്തിലെ ഇടക്കോട്, പോത്തന്‍കോട് ബ്ലോക്ക് പഞ്ചായത്തിലെ പോത്തന്‍കോട്, തൃശ്ശൂര്‍ മതിലകം ബ്ലോക്ക് പഞ്ചായത്തിലെ അഴീക്കോട്, പാലക്കാട് കുഴല്‍മന്ദം ബ്ലോക്ക് പഞ്ചായത്തിലെ ചുങ്കമന്ദം വാര്‍ഡുകളിലും തിരുവനന്തപുരം മുനിസിപ്പല്‍ കോര്‍പ്പറേഷനിലെ വെട്ടുകാട്, കൊച്ചി മുനിസിപ്പല്‍ കോര്‍പ്പറേഷനിലെ ഗാന്ധി നഗര്‍ വാര്‍ഡുകളിലും വോട്ടര്‍ പട്ടിക പുതുക്കും.
വോട്ടര്‍ പട്ടിക പുതുക്കുന്ന ഗ്രാമ പഞ്ചായത്ത്, മുനിസിപ്പാലിറ്റി വാര്‍ഡുകള്‍ (തദ്ദേശ സ്ഥാപനം, വാര്‍ഡ് ക്രമത്തില്‍):
വിതുര-പൊന്നാംചുണ്ട് (തിരുവനന്തപുരം) ചിതറ-സത്യമംഗലം, തേവലക്കര-നടുവിലക്കര (കൊല്ലം) കാണക്കാരി-കളരിപ്പടി, മാഞ്ഞൂര്‍-മാഞ്ഞൂര്‍ സെന്‍ട്രല്‍ (കോട്ടയം), രാജക്കാട്-കുരിശുംപടി, ഇടമലക്കുടി-വടക്കേഇടലി-പാറക്കുടി (ഇടുക്കി), കടപ്പുറം-ലൈറ്റ് ഹൗസ് (തൃശ്ശൂര്‍), തരൂര്‍-തോട്ടുവിള, എരുത്തേമ്പതി-മൂങ്കില്‍മട, എരുമയൂര്‍-അരിയക്കോട്, ഓങ്ങല്ലൂര്‍-കര്‍ക്കിടകച്ചാല്‍ (പാലക്കാട്), പൂക്കോട്ടൂര്‍-ചീനിക്കല്‍, കാലടി-ചാലപ്പുറം, തിരുവാലി-കണ്ടമംഗലം, ഊര്‍ങ്ങാട്ടിരി-വേഴക്കോട്, മക്കരപ്പറമ്പ്-കാച്ചിനിക്കാട് (മലപ്പുറം) കൂടരഞ്ഞി-കുമ്പാറ, ഉണ്ണിക്കുളം-വള്ളിയോത്ത (കോഴിക്കോട്) എരുവേശി-കൊക്കമുള്ള് (കണ്ണൂര്‍) എന്നീ ഗ്രാമപഞ്ചായത്തു വാര്‍ഡുകളിലും പിറവം-ഇടപ്പിള്ളിച്ചിറ (എറണാകുളം) ഇരിങ്ങാലക്കുട-ചാലാംപാടം(തൃശ്ശൂര്‍) കാഞ്ഞങ്ങാട്-ഒഴിഞ്ഞവളപ്പ് (കാസര്‍കോട്) എന്നീ മുനിസിപ്പാലിറ്റി വാര്‍ഡുകളിലുമാണ് വോട്ടര്‍പട്ടിക പുതുക്കുന്നത്.
പ്രതികരിക്കാൻ ഇവിടെ എഴുതുക: