കോഴിക്കോട്: നിപ ബാധിച്ച് മരിച്ച കുട്ടിയുടെ സമ്പര്‍ക്കത്തിലുള്ള അഞ്ച് പേര്‍ക്ക് രോഗലക്ഷണങ്ങള്‍. ഇതോടെ ലക്ഷണമുള്ളവരുടെ എണ്ണം എട്ടായി. മുപ്പത്തിരണ്ട് പേരാണ് പ്രാഥമിക സമ്പര്‍ക്കപ്പട്ടികയിലുള്ളത്. ഇവരുടെ സ്രവ സാമ്പിളുകള്‍ പരിശോധനക്കായി പൂനൈ വൈറോളജി ലാബിലേക്ക് അയച്ചിട്ടുണ്ട്. 251 പേരുടെ പുതിയ സമ്പര്‍ക്കപട്ടിക ആരോഗ്യവകുപ്പ് പുറത്തുവിട്ടു.
ആരോഗ്യ മന്ത്രിയുടെ അധ്യക്ഷതയില്‍ ഗസ്റ്റ് ഹൗസില്‍ ഉന്നതതല യോഗം ചേരുന്നുണ്ട്. കോഴിക്കോട് മെഡിക്കല്‍ കോളജില്‍ നിപ്പ പാരിശോധനയ്‌ക്കായി ഇന്ന് ട്രൂ നാറ്റ് ലാബ് സജ്ജീകരിക്കും. 188 പേരുടെ പ്രാഥമിക സമ്പര്‍ക്ക പട്ടികയാണ് 251 ആയി ഉയര്‍ന്നത്. ഇതില്‍ 32 പേര്‍ ഹൈ റിസ്‌ക് വിഭാഗത്തില്‍ ആണ്. അഞ്ച് പേര്‍ക്ക് കൂടി രോഗ ലക്ഷണങ്ങള്‍ കണ്ടെത്തി. എല്ലാവര്‍ക്കും നേരിയ ലക്ഷണങ്ങള്‍ മാത്രമാണ് നിലവില്‍ ഉള്ളത്. പുണെ വൈറോളജി ലാബില്‍ അയച്ച സാമ്പിള്‍ പരിശോധന ഫലം വൈകിട്ട് ലഭിക്കും.
കുറ്റമറ്റ സമ്പര്‍ക്ക പട്ടിക തയ്യാറാക്കി പ്രതിരോധം ശക്തമാക്കാനാണ് തീരുമാനം. അതിനാല്‍ സമ്പര്‍ക്ക പട്ടിക ഇനിയും വലുതാകും. പുണെയില്‍ നിന്നുള്ള വിദഗ്ധ സംഘമാണ് നിപ്പ വൈറസ് പരിശോധനയ്‌ക്കുള്ള ട്രൂ നാറ്റ് ലാബ് സജ്ജീകരിക്കുക. നിപ്പ പ്രതിരോധം കോവിഡ് ചികിത്സയെ ബാധിക്കരുതെന്ന നിര്‍ദേശവും ആരോഗ്യ വകുപ്പ് നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: