കോഴിക്കോട് നാദാപുരത്ത് സ്റ്റീല് ബോംബുകള് കണ്ടെത്തി. ആവോലം മരമില്ലിന് സമീപം സ്വകാര്യ വ്യക്തിയുടെ പറമ്പില് നിന്നാണ് ബോംബുകള് കണ്ടെത്തിയത്.
ഇന്ന് രാവിലെയാണ് സംഭവം. മതില് നിര്മിക്കാനായി കുഴിയെടുത്തപ്പോഴാണ് ബോംബുകള് കണ്ടെത്തിയത്. പോലീസ് സ്ഥലത്തെത്തി പരിശോധന നടത്തി.
എട്ട് സ്റ്റീൽ ബോംബുകളാണ് കണ്ടെത്തിയത്. ബോംബ് നിർവ്വീര്യമാക്കാനായി ചേലക്കാട് ക്വാറിയിലേക്ക് കൊണ്ടുപോയി. പൊലീസ് അന്വേഷണം ആരംഭിച്ചു.
