വാഷിംഗ്ടണ്‍: ചാവേറിനെ ലക്ഷ്യമിട്ട മിസൈലില്‍ കാബൂള്‍ വിമാനത്താവളത്തിലെ ഭീകരാക്രമണത്തില്‍ കൊല്ലപ്പെട്ട യുഎസ് സൈനികരുടെ പേരുകളും. പേരുകള്‍ക്കൊപ്പം ‘8/26/2021 നമ്മള്‍ ഓര്‍മിപ്പിക്കും’ എന്ന് മിസൈലില്‍ എഴുതിയിരിക്കുന്ന ചിത്രം പുറത്തുവന്നു. കൊല്ലപ്പെട്ട 13 അമേരിക്കന്‍ സൈനികരെ ആദരിക്കാന്‍ വേണ്ടിയാണ് മിസൈലില്‍ പേരുകള്‍ ഉപയോഗിച്ചത്. ഐഎസ്‌ഐഎസ്-കെ ഭീകരനെന്ന് സംശയിക്കുന്ന കാബൂള്‍ ആക്രമണത്തിന്റെ ഉത്തരവാദിയെ വധിച്ചുവെന്ന് ഞായറാഴ്ച യുഎസ് സ്ഥിരീകരിച്ചിരുന്നു.
ഐഎസ് ഭീകരനെന്ന് സംശയിക്കുന്നയാള്‍ കാബൂളിലെ ഹമീദ് കര്‍സായി അന്താരാഷ്‌ട്ര വിമാനത്താവളത്തിന് ഭീഷണിയായിരുന്നുവെന്നും യുഎസ് വ്യക്തമാക്കി. കാബൂളിലെ വാഹത്തിനുനേരെ ആളില്ലാ വിമാനം ഉപയോഗിച്ചായിരുന്നു ആക്രമണമെന്ന് യുഎസ് മധ്യ കമാന്‍ഡ് വക്താവ് ബില്‍ അര്‍ബന്‍ അറിയിച്ചു. ഹമീദ് കര്‍സായി വിമാനത്താവളത്തിനുള്ള വലിയ ഭീഷണി ഇല്ലാതാക്കിയെന്നും അദ്ദേഹം കൂട്ടിച്ചേര്‍ത്തു.
യുഎസ് ഡ്രോണ്‍ ക്രമണത്തില്‍ സാധാരണക്കാര്‍ കൊല്ലപ്പെട്ടുവെന്ന് പറഞ്ഞ താലിബാന്‍ ആക്രമണ വിവരം മുന്‍കൂട്ടി അറിയിക്കാതിരുന്നതിനെ വിമര്‍ശിക്കുകയും ചെയ്തു. ഏഴുപേര്‍ കൊല്ലപ്പെട്ടുവെന്ന് താലിബാന്റെ വക്താവ് സബിഹുള്ള മുജാഹിദ് ചൈനീസ് ടെലിവിഷനോട് പറഞ്ഞു.
പ്രതികരിക്കാൻ ഇവിടെ എഴുതുക: