തിരുവനന്തപുരം : സംഘടനാ സംവിധാനത്തിലുണ്ടായ പാളീച്ചയാണ് നിയമസഭാ തെരഞ്ഞെടുപ്പ് തോല്വിക്കുള്ള പ്രധാന കാരണമെന്ന് കെപിസിസി. തോറ്റ മണ്ഡലങ്ങളില് കെപിസിസി അന്വേഷണ സമിതികളുടെ റിപ്പോര്ട്ടിലാണ് ഇക്കാര്യം വ്യക്തമാക്കിയിരിക്കുന്നത്. സംഘടനയ്ക്കുള്ളിലെ പാരവെയ്പ്പും മുസ്ലിം വിഭാഗങ്ങള് കോണ്ഗ്രസ്സിനോട് അകന്നതുമാണ് നിയമസഭാ തെരഞ്ഞെടുപ്പില് തിരച്ചടിയായത്.
ഇത് കൂടാതെ സാമുദായിക വിഭാഗങ്ങളെ ഒപ്പം നിര്ത്താനുള്ള ഇടത് ശ്രമവും കോണ്ഗ്രസ്സിന് തിരിച്ചടിയായി. ചിലസ്ഥലങ്ങളില് സംഘടനാതലത്തില് ഏകോപനമില്ലാതിരുന്നതും തിരിച്ചടിയായി. തോറ്റ ഓരോ മണ്ഡലങ്ങളുടേയും സാഹചര്യങ്ങള് പ്രത്യേകം പരിശോധിച്ചാണ് കാരണങ്ങള് ചൂണ്ടിക്കാട്ടിയുള്ള അഞ്ച് സമിതികളുടെയും റിപ്പോര്ട്ടുകള്. മൂന്ന് പേരടങ്ങുന്ന അഞ്ച് സമിതി വിവിധ ജില്ലകളില് വിലയിരുത്തിയതിന്റെ അടിസ്ഥാനത്തിലാണ് റിപ്പോര്ട്ട്.
യുഡിഎഫിനൊപ്പം അടിയുറച്ച് നിന്നിരുന്ന മുസ്ലിം വിഭാഗങ്ങള് ഇത്തവണ ഇടതിനൊപ്പമായി മാറിയതും തിരിച്ചടിയായിട്ടുണ്ട്. നേമം, കൊല്ലം, തൃത്താല അടക്കം പല മണ്ഡലങ്ങളിലെയും തോല്വിക്ക് ഇത് കാരണമായി. മുസ്ലിം വിഭാഗങ്ങളെ വിശ്വാസത്തിലെടുക്കാനായില്ലെങ്കില് തിരിച്ചടി തുടരുമെന്നാണ് സമിതി ചൂണ്ടിക്കാട്ടുന്നത്.
സംഘടനാ സംവിധാനത്തിന്റെ തകര്ന്നത് ഏറ്റവും വലിയ തിരിച്ചടി ഉണ്ടാക്കിയത് മലബാറിലും തെക്കുമാണ്. കോന്നി, വട്ടിയൂര്കാവ്, നെടുമങ്ങാട്, അമ്പലപ്പുഴ അടക്കമുള്ള മണ്ഡലങ്ങളില് സ്ഥാനാര്ത്ഥി മോഹികള് സ്ഥാനാര്ത്ഥികളുടെ തോല്വിക്ക് കാരണമായി. കഴക്കൂട്ടത്ത് മികച്ച സ്ഥാനാര്ത്ഥിയായ ഡോ. എസ്.എസ്. ലാലിനെ ജനങ്ങളിലേക്കെത്തിക്കാന് സംഘടനക്കായില്ല. ബാലുശ്ശേരിയില് ധര്മ്മജന് ബോള്ഗാട്ടിയും സംഘടനയും രണ്ട് വഴിക്കായിരുന്നു. ഇടുക്കി, പത്തനതിട്ട ജില്ലകളിലെ സ്ഥാനാര്ത്ഥി നിര്ണ്ണയത്തില് സാമുദായിക സമവാക്യം പാളി.
കുന്നത്ത് നാട്ടില് ട്വന്ി ട്വന്റി പാരയായി. ജോസ് കെ മാണി പക്ഷത്തിന്റെ മുന്നണി മാറ്റം മധ്യകേരളത്തില് തിരിച്ചടിയുണ്ടാക്കി. സര്ക്കാര് അവസാന നിമിഷം ഇറക്കി നാടാര് സംവരണം കാട്ടക്കട, പാറശ്ശാല, അരുവിക്കര, നെയ്യാറ്റിന്കര അടക്കമുള്ള മണ്ഡലങ്ങളിലെ തോല്വിക്ക് കാരണമായി.
