കൊച്ചി : സംസ്ഥാനത്തെ സര്‍ക്കാര്‍, എയ്ഡഡ് സ്‌കൂളുകളില്‍ ഇംഗ്ലീഷ് അധ്യാപക തസ്തികകള്‍ പ്രത്യേകം സൃഷ്ടിക്കണമെന്ന് ഹൈക്കോടതി. ചില സ്‌കൂളുകളില്‍ മറ്റ് വിഷയങ്ങള്‍ കൈകാര്യം ചെയ്യുന്ന അധ്യാപകര്‍ തന്നെയാണ് ഇംഗ്ലീഷും കൈകാര്യം ചെയ്തിരുന്നത്. എന്നാല്‍ ഈ അധ്യയന വര്‍ഷം മുതല്‍ സ്‌കൂളുകളില്‍ എച്ച്എസ്എ ഇംഗ്ലീഷ് അധ്യാപക തസ്തികകള്‍ സൃഷ്ടിക്കമെന്നും ഹൈക്കോടതി ഉത്തരവിട്ടു.
തൃശ്ശൂര്‍, തിരുവല്ല സ്വദേശികള്‍ നല്‍കിയ പൊതുതാത്പര്യ ഹര്‍ജി പരിഗണിച്ചാണ് കോടതി ഉത്തരവ്. ഇംഗ്ലീഷ് അധ്യയനത്തിനായി ഇംഗ്ലീഷ് ബിരുദധാരികളെ പ്രത്യേകം തസ്തിക സൃഷ്ടിച്ച് നിയമിക്കുന്നതിനായി കേരള വിദ്യാഭ്യാസ ചട്ടം നേരത്തെ തന്നെ ഭേദഗതി ചെയ്തിരുന്നു. 2002-2003 അക്കാദമിക് വര്‍ഷം മുതല്‍ ഈ ചട്ടം നടപ്പാക്കേണ്ടതായിരുന്നു. എന്നിട്ടും നടപ്പാക്കിയിരുന്നില്ലെന്നും ഹര്‍ജിയില്‍ ആരോപിച്ചിരുന്നു.
ഇംഗ്ലീഷ് പഠനത്തിനായി യോഗ്യതയുള്ള അധ്യാപകരെ നിയമിക്കാതെ മറ്റു വിഷയങ്ങള്‍ പഠിപ്പിക്കുന്ന അധ്യാപകരെക്കൊണ്ട് പഠിപ്പിക്കുന്നതിനാല്‍ കുട്ടികള്‍ക്ക് ഇംഗ്ലീഷ് ശരിയായ രീതിയില്‍ പഠിക്കാന്‍ കഴിയുന്നില്ലെന്ന് ഹര്‍ജിക്കാര്‍ ചൂണ്ടിക്കാട്ടി. ഇത് പരിഗണിച്ച കോടതി ഇംഗ്ലീഷ് ഭാഷാ അധ്യാപകരെ തന്നെ ഇതിനായി നിയമിക്കാനും നിര്‍ദ്ദേശം നല്‍കി.
പ്രതികരിക്കാൻ ഇവിടെ എഴുതുക: