വൈക്കം: സ്വാതന്ത്ര്യത്തിന്റെ 75-ാം വാര്‍ഷികാഘോഷ പരിപാടികളുടെ ഭാഗമായി നെഹ്റു യുവകേന്ദ്രയുടെ ആഭിമുഖ്യത്തില്‍ വൈക്കത്ത് ഫിറ്റ് ഇന്ത്യ ഫ്രീഡം റണ്‍ നടത്തി. കൊവിഡ് പ്രതിരോധ മുന്‍കരുതലുകള്‍ പാലിച്ച് നടത്തിയ പരിപാടി ചെമ്പിലരയന്റെ ഭവനമായ തൈലംപറമ്പില്‍ ചെമ്പ് ഗ്രാമപഞ്ചായത്ത് പ്രസിഡന്റ് സുകന്യ സുകുമാരന്‍ ഫ്ളാഗ് ഓഫ് ചെയ്തു.
നെഹ്റു യുവകേന്ദ്ര ജില്ലാ യൂത്ത് ഓഫീസര്‍ എച്ച്. സച്ചിന്‍ അധ്യക്ഷനായി. പഞ്ചായത്ത് വൈസ് പ്രസിഡന്റ് കെ. രമേശന്‍, കെ.എം. മനു, ടി.ആര്‍. അജിത്ത്, ചെമ്പിലരയന്റെ പിന്‍മുറക്കാരനായ അജിത്ത് കുമാര്‍ എന്നിവര്‍ സംസാരിച്ചു. നെഹ്റു യുവകേന്ദ്രയുടെ 75 കേന്ദ്രങ്ങളില്‍ ഫ്രീഡം റണ്‍ സംഘടിപ്പിക്കും. 13 മുതല്‍ ഗാന്ധിജയന്തി ദിനമായ ഒക്ടോബര്‍ രണ്ട് വരെയുള്ള തീയതികളിലാണ് പരിപാടി.
പ്രതികരിക്കാൻ ഇവിടെ എഴുതുക: