സതീഷ് കെ സംവിധാനം ചെയ്യുന്ന ടൂ മെന്‍ എന്ന ചിത്രത്തിന്റെ ടൈറ്റില്‍ പോസ്റ്റര്‍ റിലീസായി. പ്രശസ്ത സംവിധായകരായ സിദ്ദിഖ്, രഞ്ജിത്ത്, ഉണ്ണികൃഷ്ണന്‍, സുരേഷ് ഉണ്ണിത്താന്‍, ജിത്തു ജോസഫ്, മഹേഷ് നാരായണന്‍, രഞ്ജിത്ത് ശങ്കര്‍, പ്രിയനന്ദനന്‍, അജയ് വാസുദേവ്,
ജൂഡ് ആന്റണി ജോസഫ്, മിഥുന്‍ മാനുവല്‍ തോമസ്, ഒമര്‍ ലുലു, സോഹന്‍ സീനുലാല്‍, ദീപു അന്തിക്കാട്, രാജേഷ് നായര്‍ തുടങ്ങിയവരുടെ ഫേസ് ബുക്ക് പേജിലൂടെ യാണ് റിലീസ് ചെയ്തത്.
നടന്‍ ഇര്‍ഷാദ് അലി, പ്രശസ്ത സംവിധായകന്‍ എം.എ നിഷാദ് എന്നിവരെ പ്രധാന കഥാപാത്രങ്ങളാക്കി ഡി ഗ്രൂപ്പിന്റെ ബാനറില്‍ മാനുവല്‍ ക്രൂസ് ഡാര്‍വിനാണ് ചിത്രം നിര്‍മിക്കുന്നത്. മുഹാദ് വെമ്പായമാണ് തിരക്കഥ സംഭാഷണം നിര്‍വഹിക്കുന്നത്.
അവിശ്വസനീയമായ ഒരുപാട് ജീവിതാനുഭവങ്ങള്‍ നിറഞ്ഞതാണു പ്രവാസജീവിതം. ഒരു സാധാരണ യാത്രയും അതിലെ അസാധാരണ സംഭവവികാസങ്ങളും പ്രമേയമാക്കിയാണ് ചിത്രം ഒരുക്കിയിരിക്കുന്നത്. ടൂ മെന്‍ എന്ന ചിത്രത്തില്‍ പേരു സൂചിപ്പിക്കുന്നതു പോലെ തന്നെ പ്രധാനമായും രണ്ട് മനുഷ്യരുടെ അസാധാരണ ബന്ധത്തിന്റെ കഥയാണ് ഇതിന്റെ ഇതിവൃത്തം. ചിത്രത്തിന്റെ തൊണ്ണൂറ് ശതമാനവും ചിത്രീകരിച്ചത് ദുബായിയിലാണ്.
സിദ്ധാര്‍ത്ഥ് രാമസ്വാമിയാണ് ഛാഗ്രഹണം. റഫീഖ് അഹമ്മദ് എഴുതിയ വരികള്‍ക്ക് ആനന്ദ് മധുസൂദനന്‍ സംഗീതമൊരുക്കുന്നു. എക്‌സിക്യൂട്ടീവ് പ്രൊഡ്യൂസര്‍-ഡാനി ഡാര്‍വിന്‍,ഡോണി ഡാര്‍വിന്‍, പ്രൊഡക്ഷന്‍ ഡിസൈനര്‍- ജോയല്‍ ജോര്‍ജ്ജ്.
പ്രതികരിക്കാൻ ഇവിടെ എഴുതുക: