ഗാസിയാബാദ്: ഗാസിയാബാദില്‍ ക്ഷേത്രത്തിന് നേര്‍ക്ക് ആക്രമണം. ഹിന്ദു പുരോഹിതന്‍ സ്വാമി നരേശാനന്ദ സരസ്വതിക്ക് കുത്തേറ്റു. പുലര്‍ച്ചെ 3.30 ഓടെയായിരുന്നു സംഭവം. യതി നരസിംഹാനന്ദ സരസ്വതിയുടെ ശിഷ്യനാണ് സ്വാമി നരേശാനന്ദ സരസ്വതി. യതി നരസിംഹാനന്ദ സരസ്വതിക്ക് നേരെ നേരത്തെയും വധശ്രമമുണ്ടായിരുന്നു. മെയ് മാസത്തില്‍ ജെയ്‌ഷെ മുഹമ്മദ് ഭീകരന്‍ മുഹമ്മദ് ധറിനെ ഇതുമായി ബന്ധപ്പെട്ട് അറസ്റ്റ് ചെയ്തിരുന്നു. സ്വാമിയെ നിലവില്‍ യശോദ ആശുപത്രിയില്‍ പ്രവേശിപ്പിച്ചിരിക്കുകയാണ്. അദ്ദേഹത്തിന്റെ സ്ഥിതി ഗുരുതരമാണ്. ബിഹാറിലെ സമഷ്ടിപുരില്‍ നിന്നും ഏഴാം തീയതിയാണ് സ്വാമി ഗാസിയാബാദില്‍ എത്തിയത്.
ക്ഷേത്രത്തിന്റെ മതില്‍ ചാടിക്കടന്നാണ് അക്രമികള്‍ അകത്ത് പ്രവേശിച്ചത്. സ്വാമി നരേശാനന്ദ സരസ്വതി അപ്പോള്‍ ഉറക്കത്തിലായിരുന്നു.സ്വാമിയുടെ കഴുത്തിലും വയറ്റിലുമാണ് കുത്തേറ്റത്.
പ്രതികരിക്കാൻ ഇവിടെ എഴുതുക: