കാനഡ: സഹപാഠിയെ രക്ഷിക്കാന് ശ്രമിക്കുന്നതിനിടെ കാനഡയിലെ നയാഗ്ര വെള്ളച്ചാട്ടത്തിന് സമീപം ഒഴുക്കില്പെട്ട് കാണാതായ കൊല്ലം സ്വദേശിയായ വിദ്യാര്ഥിക്കായി തെരച്ചില് തുടരുന്നു. കാനഡ കോണ്സ്റ്റഗോ സര്വകലാശാല എന്ജിനീയറിങ് എം.എസ് വിദ്യാര്ഥി കൊല്ലം ചിന്നക്കട ശങ്കര് നഗര് കോട്ടാത്തല ഹൗസില് അഡ്വ. കോട്ടാത്തല ഷാജിയുടെ മകന് അനന്തുകൃഷ്ണയെയാണ് കാണാതായത്.
കാനഡ മലയാളി സമാജം, വെള്പൂള് മലയാളി സമാജം എന്നീ സംഘടനകളുടെ നേതൃത്വത്തില് അധികൃതരുമായി ബന്ധപ്പെട്ട് തെരച്ചില് ഊര്ജിതമാക്കി. ആഴം കൂടിയ പ്രദേശമായതിനാല് തെരച്ചില് ദുഷ്കരമാണ്. എന്.ആര്.പി.എസ് മറൈന് യൂനിറ്റ്, യുനൈറ്റഡ് സ്റ്റേറ്റ്സ് കോസ്റ്റ് ഗാര്ഡ്, കാനേഡിയന് കോസ്റ്റ് ഗാര്ഡ്, നയാഗ്ര ജെറ്റ് ബോട്ടസ് എന്നിവയുടെ നേതൃത്വത്തിലുള്ള പ്രത്യേക സംഘമാണ് തെരച്ചില് തുടരുന്നത്.
ആഗസ്റ്റ് ഒന്നിനാണ് അനന്തുവിനെ ഒഴുക്കില്പെട്ട് കാണാതായത്. സഹപാഠിയായ തമിഴ്നാട് സ്വദേശിനിയെ പോലീസ് രക്ഷിച്ച് ആശുപത്രിയിലെത്തിച്ചെങ്കിലും മരിച്ചു.
