ഇസ്ലാമബാദ്: ബുധനാഴ്ച പാക്കിസ്ഥാനിലെ കറാച്ചിയില്‍ രണ്ട് ചൈനീസ് പൗരന്‍മാര്‍ക്ക് വെടിയേറ്റു. മോട്ടോര്‍ സൈക്കിളിലെത്തിയ അജ്ഞാത സംഘമാണ് ആക്രമണം നടത്തിയത്. പരിക്കേറ്റവരെ കറാച്ചിയിലെ ആശുപത്രിയിലേക്ക് മാറ്റി. ഒറ്റപ്പെട്ട സംഭവമെന്ന് ചൈനീസ് വിദേശകാര്യ മന്ത്രി സവോ ലിജിയാന്‍ പ്രതികരിച്ചു. രാജ്യത്തെ ചൈനീസ് പൗരന്‍മാര്‍ക്കും സ്വത്തുക്കള്‍ക്കുമുള്ള പാക്കിസ്ഥാന്റെ സംരക്ഷണത്തില്‍ പൂര്‍ണ വിശ്വാസമുണ്ടെന്നും അദ്ദേഹം കൂട്ടിച്ചേര്‍ത്തു.
ജൂലൈ 14ന് ഖൈബര്‍ പഖ്തൂണ്‍ഖ്വയിലെ അപ്പര്‍ കോഹിസ്താനിലുള്ള ദസു അണക്കെട്ട് മേഖലയിലേക്ക് ചൈനീസ് എന്‍ജിനിയര്‍മാരുമായി പോയ ബസില്‍ സ്‌ഫോടനം നടന്നിരുന്നു. ഒന്‍പത് ചൈനീസ് പൗരന്‍മാരുള്‍പ്പെടെ 13 പേരാണ് ആക്രമണത്തില്‍ മരിച്ചത്.
പ്രതികരിക്കാൻ ഇവിടെ എഴുതുക