ടോക്കിയോ: ടോക്കിയോ ഒളിംപിക്‌സില്‍ വനിതകളുടെ 49 കിലോഗ്രാം ഭാരോദ്വഹനത്തില്‍ വെള്ളി മെഡല്‍ നേടി അഭിമാനമായി മാറിയ മീര ഭായി ചാനുവിന് സ്വര്‍ണമെഡലിന് സാധ്യത. സ്വര്‍ണം നേടിയ ചൈനീസ് താരം സിഹുയി ഹൗ ഉത്തേജക മരുന്ന് ഉപയോഗിച്ചെന്ന് സംശയത്തെ തുടര്‍ന്ന് പരിശോധനയ്‌ക്കു വിധേയയാക്കും.
ഡോപ്പിങ് ടെസ്റ്റില്‍ മരുന്ന് ഉപയോഗം തെളിഞ്ഞാല്‍ ചൈനീസ് താരത്തെ അയോഗ്യ ആക്കുകയും ഇന്ത്യന്‍ താരത്തിന് സ്വര്‍ണമെഡല്‍ നല്‍കുകയും ചെയ്യും. ഫൈനലിനു മുന്‍പ് എല്ലാ താരങ്ങള്‍ക്കും പരിശോധന നടത്തിയിരുന്നു. ഇതില്‍ സംശയമുയര്‍ന്നതിനെ തുടര്‍ന്നാണ് ചൈനീസ് താരത്തില്‍ കൂടുതല്‍ പരിശോധന നടത്താന്‍ തീരുമാനിച്ചത്. ടോക്കിയോയില്‍ തന്നെ തുടരാനും അധികൃതര്‍ ചൈനീസ് താരത്തോട് നിര്‍ദേശിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: