പാലക്കാട്: വാക്‌സിന്‍ വിതരണം പിണറായി സര്‍ക്കാര്‍ അട്ടിമറിച്ചുവെന്നും, വിദ്യാര്‍ത്ഥികള്‍ക്ക് അടിയന്തരമായി സംസ്ഥാന സര്‍ക്കാര്‍ വാക്‌സിന്‍ ലഭ്യമാക്കണമെന്നും എബിവിപി സംസ്ഥാന സെക്രട്ടറി എം.എം.ഷാജി. സംസ്ഥാന സര്‍ക്കാരിന്റെ അനാസ്ഥ കാരണം സംസ്ഥാനത്ത് 10 ലക്ഷം വാക്‌സിന്‍ ഉപയോഗിക്കാതെ കിടന്ന സമയത്ത് നിരവധിയായ വിദ്യാര്‍ത്ഥികളാണ് കേരളത്തില്‍ സര്‍വകലാശാല പരീക്ഷകള്‍ എഴുതുവാന്‍ നിരന്തരമായി യാത്ര ചെയ്യുന്നത്.
വിദ്യാര്‍ത്ഥികള്‍ക്ക് മുന്‍ഗണനാ ക്രമത്തില്‍ വാക്‌സിന്‍ ലഭ്യമാക്കുമെന്ന് പ്രഖ്യാപിച്ചെങ്കിലും ആ പ്രഖ്യാപനം പത്രസമ്മേളനത്തില്‍ മാത്രം ഒതുങ്ങിയെന്നും, അത് പ്രവര്‍ത്തികമാക്കുന്നതില്‍ സര്‍ക്കാര്‍ അനാസ്ഥ കാണിച്ചുവെന്നും അദ്ദേഹം പറഞ്ഞു. വിദ്യാര്‍ത്ഥികള്‍ക്ക് മുന്‍ഗണനാ ക്രമത്തില്‍ വാക്‌സിന്‍ ലഭ്യമാക്കാനുള്ള നടപടികള്‍ അടിയന്തരമായി സംസ്ഥാന സര്‍ക്കാര്‍ സ്വീകരിക്കണമെന്നാവശ്യപ്പെട്ട് എബിവിപി സംസ്ഥാന വ്യാപകമായി പ്രതിഷേധ സമരം സംഘടിപ്പിക്കുമെന്ന് എബിവിപി സംസ്ഥാന സെക്രട്ടറി എം.എം.ഷാജി പ്രഖ്യാപിച്ചു.
പ്രതികരിക്കാൻ ഇവിടെ എഴുതുക: