ന്യൂഡല്‍ഹി: ദല്‍ഹിയില്‍ തിങ്കളാഴ്ച മുതല്‍ ട്രെയിനുകളിലും ബസുകളിലും മുഴുവന്‍ സീറ്റുകളിലും ആളുകള്‍ക്ക് യാത്ര ചെയ്യാം. നിലവില്‍ 50 ശതമാനം പേര്‍ക്ക് മാത്രം അനുമതി നല്‍കിയാണ് ബസുകളുടെയും മെട്രോയുടെയും സര്‍വീസുകള്‍. കോവിഡ് നിയന്ത്രണങ്ങളില്‍ ഇളവ് വരുത്തിയതിനെ തുടര്‍ന്ന് ജൂണ്‍ ഏഴിനാണ് ദല്‍ഹി മെട്രോ സര്‍വ്വീസ് പുനരാരംഭിച്ചത്. 50 ശതമാനം പേര്‍ക്ക് പ്രവേശനം നല്‍കി രാജ്യതലസ്ഥാനത്തെ തിയേറ്ററുകളും തിങ്കളാഴ്ചയോടെ തുറക്കുമെന്ന് സംസ്ഥാന ഭരണസമിതി അറിയിച്ചു.
കോവിഡ് പ്രോട്ടോക്കോള്‍ പാലിച്ച് സ്പാകള്‍ക്കും തിങ്കളാഴ്ച മുതല്‍ പ്രവര്‍ത്തിക്കാം. കല്യാണങ്ങളിലും മരണാന്തര ചടങ്ങുകളിലും പങ്കെടുക്കാവുന്നവരുടെ എണ്ണം ഉയര്‍ത്തി. ഇത് അമ്പതില്‍ നിന്നും നൂറാക്കി വര്‍ധിപ്പിച്ചിട്ടുണ്ട്. അതേസമയം 66 പുതിയ കോവിഡ് കേസുകള്‍ ഡല്‍ഹിയില്‍ ഇന്ന് റിപ്പോര്‍ട്ട് ചെയ്തു.
പ്രതികരിക്കാൻ ഇവിടെ എഴുതുക: