പൂച്ചാക്കല്‍: കോവിഡ് മഹാമാരിക്കെതിരെ ഓരോ വാര്‍ഡിലും മുന്‍ നിരയില്‍ പ്രവര്‍ത്തിക്കുന്ന ആശാ പ്രവര്‍ത്തകരെ സേവാ ഭാരതി പാണവള്ളി ആദരിച്ചു. പാണാവള്ളി ഹെല്‍ത്ത് സെന്ററില്‍ നടന്ന ചടങ്ങില്‍ പഞ്ചായത്തിലെ 18 വാര്‍ഡില്‍ നിന്നുമുള്ള 19 ആശാ പ്രവര്‍ത്തകരെ പൊന്നാട അണിയിച്ചും ഫലകം നല്‍കിയും ആദരിച്ചു. സേവാഭാരതി ജില്ല സംഘടന സെക്രട്ടറി എസ്. ജയകൃഷ്ണന്‍ ഉദ്ഘാടനം ചെയ്തു. പാണാവള്ളി ഹെല്‍ത്ത് സെന്റര്‍ മെഡിക്കല്‍ ഓഫിസര്‍ അരുണ്‍ മിത്ര മുഖ്യാതിഥിയായി.സേവാഭാരതി പഞ്ചായത്ത് പ്രസിഡന്റ് അനില്‍കുമാര്‍ അധ്യക്ഷനയി.
ആര്‍എസ്എസ് ഖണ്ഡ് കാര്യവഹ് വിജേഷ്, ബൗദ്ധിക് പ്രമുഖ് വിനീത്, സേവാ പ്രമുഖ് ജയന്‍, ബി ജെ പി പാണാവള്ളി പഞ്ചായത്ത് തെക്കു സമിതി പ്രസിഡന്റ് ഷൈജുഅരവിന്ദ്, സെക്രട്ടറി ഷെല്‍മ സുരേഷ്, വടക്കു സമിതി സെക്രട്ടറി വിപിന്‍ ശങ്കര്‍, എട്ടാം വാര്‍ഡ് മെമ്പര്‍ ലീന ബാബു, ഒന്‍പതാം വാര്‍ഡ് മെമ്പര്‍ മിഥുന്‍ലാല്‍, യുവമോര്‍ച്ച നിയോജക മണ്ഡലം പ്രസിഡന്റ് ഹരി ശങ്കര്‍, സേവാഭാരതി പഞ്ചായത്ത് വൈസ് പ്രസിഡന്റ് അനില്‍കുമാര്‍ അടയ്ത്, വാര്‍ഡ് കോര്‍ഡിനേറ്റര്‍ ഇന്‍ചാര്‍ജ് ഗോപിനാഥ്, ആപത് സേവാ കോര്‍ഡിനേറ്റര്‍ സ്മിജോഷ്, സെല്‍ഫ് റിലേയന്‍സ് ഇന്‍ചാര്‍ജ് മനോജ്, പാണാവള്ളി ഹെല്‍ത്ത് ഇന്‍സ്പെക്ടര്‍ സുനില്‍കുമാര്‍, എല്‍എച്ച്‌ഐ ബീന എന്നിവര്‍ സംസാരിച്ചു. സേവാഭാരതി പഞ്ചായത്ത് സമിതി വൈസ് പ്രസിഡന്റ് അപര്‍ണ്ണ സ്വാഗതവും സെക്രട്ടറി പ്രശാന്ത് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: