തിരുവനന്തപുരം: നിയമസഭ കയ്യാങ്കളിക്കേസില്‍ സിപിഎം തെറ്റ് ഏറ്റപറഞ്ഞ് അംഗീകരിക്കണമെന്നും നിയമസഭയ്‌ക്ക് വന്ന നഷ്ടത്തിന്റെ പണം എകെജി സെന്‍റര്‍ അടയ്‌ക്കണമെന്ന് പി.സി. ജോര്‍ജ്ജ്.
ഒരു പ്രമുഖ പത്രത്തിന്റെ ഓണ്‍ലൈന്‍ എഡിഷന് നല്‍കിയ അഭിമുഖത്തിലായിരുന്നു പി.സി. ജോര്‍ജ്ജിന്റെ ഈ പ്രതികരണം. നിയമസഭാ കയ്യാങ്കളിക്കേസില്‍ സുപ്രീംകോടതി വിധി വന്നാല്‍ മന്ത്രിസഭയിലെ പലരും രാജിവെക്കേണ്ടിവരുമെന്നും പി.സി. ജോര്‍ജ്ജ് പറഞ്ഞു. നിയമസഭാ കയ്യാങ്കളിക്കേസില്‍ സുപ്രീംകോടതി വിധി വരാനിരിക്കെയാണ് പി.സി. ജോര്‍ജ്ജിന്റെ പ്രതികരണം. സുപ്രീംകോടതി ഇടത് എംഎല്‍എമാരുടെ സഭയില്‍ മൈക്ക് തകര്‍ത്തതുള്‍പ്പെടെയുള്ള പെരുമാറ്റരീതിയെ അതിരൂക്ഷമായി കേസിന്റെ വാദം കേള്‍ക്കുന്ന വേളയില്‍ വിമര്‍ശിച്ചിരുന്നു.
‘താനും പണ്ട് സഭയില്‍ മൈക്ക് അടിച്ചു തകര്‍ത്തിട്ടുണ്ട്. സ്പീക്കര്‍ എനിക്ക് പിഴയിട്ടു. ഞാനത് അടയ്‌ക്കാന്‍ തയ്യാറായിരുന്നു. എന്നാല്‍ പിന്നീട് സ്പീക്കര്‍ മാപ്പ് നല്‍കി,’ പി.സി. ജോര്‍ജ്ജ് പറഞ്ഞു.
പ്രതികരിക്കാൻ ഇവിടെ എഴുതുക: