ശ്രീനഗര്‍: ജമ്മു കശ്മീരിലെ പുല്‍വാമയില്‍ ഭീകരരും സൈന്യവും തമ്മില്‍ രൂക്ഷമായ ഏറ്റുമുട്ടല്‍ തുടരുന്നു. ഇതുവരെ മൂന്ന് ഭീകരരെ സൈന്യം വധിച്ചു. പാകിസ്ഥാന്‍ സ്വദേശിയായ ലഷ്‌കര്‍ കമാന്‍ഡര്‍ ഇജാസ് അബു ഹുറൈരിയും രണ്ട് ഇന്ത്യന്‍ ഭീകരരുമാണ് കൊല്ലപ്പെട്ടത്.
പുലര്‍ച്ചെ മുതല്‍ പുല്‍വാമ പട്ടണത്തിലാണ് ഭീകരരും സൈന്യവുമായി ഏറ്റുമുട്ടുന്നത്.കഴിഞ്ഞ ഏതാനും മാസങ്ങളായി പുല്‍വാമയിലും രജൗറിയിലുമാണ് ഭീകരര്‍ക്കെതിരെ സൈന്യത്തിന്റെ റെയ്ഡ് തുടരുന്നത്. ജനവാസ മേഖലകള്‍ കേന്ദ്രീകരിക്കുന്നതിനാല്‍ ഏറെ ജാഗ്രത പുലര്‍ത്തിയാണ് സൈന്യം ഭീകരരെ കീഴ്പ്പെടുത്തുന്നത്. കഴിഞ്ഞാഴ്ച അഞ്ചുപേരെ സൈന്യം വകവരുത്തിയിരുന്നു. രണ്ടു സൈനികരും ജമ്മുകശ്മീര്‍ മേഖലയില്‍ വീരമൃത്യു വരിച്ചിരുന്നു. ജമ്മുകശ്മീര്‍ പോലീസിന്റെ നിതാന്ത ജാഗ്രതയാണ് ജനവാസ മേഖലകളില്‍ ഭീകരര്‍ എത്തിയാലുടന്‍ കണ്ടെത്താന്‍ സഹായിക്കുന്നതെന്നും സി.ആര്‍.പി.എഫ് അറിയിച്ചു.
പ്രതികരിക്കാൻ ഇവിടെ എഴുതുക: