ന്യൂദല്‍ഹി: വണ്ടിപ്പെരിയാറില്‍ ആറു വയസ്സുകാരിയെ ഡിവൈഎഫ്ഐ പ്രവര്‍ത്തകന്‍ പൈശാചികമായ പീഡനത്തിന് ഇരയാക്കിയ ശേഷം തൂക്കിക്കൊന്ന സംഭവം ദേശീയ ശ്രദ്ധയിലേക്ക്. വിഷയത്തില്‍ ദേശീയ ബാലാവകാശ കമ്മീഷന്‍ സ്വയമേവ കേസ് എടുത്തു. മാധ്യമ വാര്‍ത്തകളുടെ അടിസ്ഥാനത്തില്‍ കേസെടുത്ത കമ്മീഷന്‍ അന്വേഷണത്തിന്റെ വിശദാംശങ്ങള്‍ ഉള്‍പ്പെടുത്തിയ റിപ്പോര്‍ട്ട് പത്തു ദിവസത്തിനുള്ളില്‍ നല്‍കാന്‍ ഇടുക്കി എസ്പിയോട് നിര്‍ദേശിച്ചു.
അതിനിടെ, വണ്ടിപ്പെരിയാര്‍ സംഭവത്തിലേക്ക് ശ്രദ്ധ തിരിക്കുന്ന ജസ്റ്റിസ് ഫോര്‍ കേരള ഗേള്‍സ് എന്ന ഹാഷ് ടാഗില്‍ ട്വിറ്ററില്‍ പ്രതിഷേധം ഇരമ്പുകയാണ്. വാളയാര്‍, വണ്ടിപ്പെരിയാര്‍ പീഡനങ്ങളില്‍ ഒരു നയവും ഇതര സംസ്ഥാനങ്ങളിലെ പീഡനങ്ങളില്‍ മറ്റൊരു നയവും കാണിക്കുന്ന ഇടത്, ബുദ്ധിജീവികളുടെയും സെലിബ്രിറ്റികളുടെയും ഇരട്ടത്താപ്പിനെയും ഇതില്‍ രൂക്ഷമായി വിമര്‍ശിക്കുന്നുണ്ട്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: