റഹ്‌മാന്‍ നായകനാവുന്ന സമാറ യുടെ ചിത്രീകരണം പൂര്‍ത്തിയായി. ചിത്രീകരണാനന്തര സാങ്കേതിക ജോലികള്‍ ധ്രുതഗതിയില്‍ പുരോഗമിച്ചു വരുന്നു. പുതുമുഖ യുവ സംവിധായകന്‍ ചാള്‍സ് ജോസഫാണ് സമാറയെ അണിയിച്ചൊരുക്കുന്നത്. ചിത്രത്തെ കുറിച്ച് കൂടുതല്‍ വിവരങ്ങള്‍ വെളിപ്പെടുത്തിയിട്ടില്ലാത്ത അണിയറ പ്രവര്‍ത്തകര്‍ ചിത്രത്തിലെ വില്ലന്‍ കഥാപാത്രത്തെ അവതരിപ്പിക്കുന്ന നടന്റെ പേരും വെളിപ്പെടുത്തി. ബോളിവുഡ് നടനാണ് മിര്‍ സാര്‍വാറാണ് സമാറയില്‍ റഹ്‌മാന്റെ വില്ലന്റെ വേഷം ചെയ്യുന്നത്.
ഹിന്ദിയില്‍ ബജ്‌രംഗി ബൈജാന്‍, ജോളി എല്‍എല്‍ബി 2, കശ്മീര്‍ ഡെയ്ലി, തമിഴിലെ കാട്രു വെളിയിടൈ, വിശ്വരൂപം 2എന്നീ സിനിമകളിലൂടെ ശ്രദ്ധേയനായ നടനാണ് മിര്‍ സാര്‍വാര്‍. അക്ഷയ് കുമാറിന്റെ കേസരി എന്ന സിനിമയിലെ മിര്‍ സാര്‍വാര്‍ അവതരിപ്പിച്ച വില്ലന്‍ കഥാപാത്രത്തിന് വലിയ സ്വീകരണമാണ് ലഭിച്ചിരുന്നത്. പീക്കോക് ആര്‍ട്ട് ഹൗസിന്റെ ബാനറില്‍എം. കെ സുഭാകരന്‍, അനുജ് വര്‍ഗീസ് വില്ല്യാടത്ത് എന്നിവര്‍ ചേര്‍ന്നു നിര്‍മിക്കുന്ന ചിത്രം അടുത്തുതന്നെ പ്രദര്‍ശനത്തിന് എത്തും
ഭരത്, സഞ്ജന ദീപു, രാഹുല്‍ മാധവ്, ബിനോജ് വില്ല്യ, വീര്‍ ആര്യന്‍, വിവിയ ശാന്ത്, നീത് ചൗധരി, ദിനേശ് ലാംബ, ഗോവിന്ദ് കൃഷ്ണാ, സോനാലി സുധന്‍ എന്നിവരും ചിത്രത്തില്‍ വേഷമിടുന്നുണ്ട്. ഛായാഗ്രഹണം സിനു സിദ്ധാര്‍ത്ഥ്, എഡിറ്റിങ് അയൂബ് ഖാന്‍, സംഗീത സംവിധാനം ദീപക് വാര്യര്‍,കലാ സംവിധാനം രഞ്ജിത്ത് കോത്താരി, ചീഫ് അസ്സോസിയേറ്റ് ഡയറക്ടര്‍- വിഷ്ണു ഐക്കരശ്ശേരി, സംഘട്ടനം- ദിനേശ് കാശി.
പ്രതികരിക്കാൻ ഇവിടെ എഴുതുക: