കൊവിഡ് ബാധിതരായവർക്ക് കേന്ദ്രത്തിന്റെ കൈത്താങ്ങ്; ‘കവച്’ പദ്ധതിയിലൂടെ ഈട് ഇല്ലാതെ 25,000 മുതൽ 5 ലക്ഷം രൂപ വരെ വായ്പ, ആദ്യ 3 മാസം മൊറോട്ടോറിയം

തിരുവനന്തപുരം: ഏപ്രിൽ ഒന്നിന് ശേഷം കൊവിഡ് ബാധിച്ചവർക്ക് കൈത്താങ്ങുമായി കേന്ദ്ര സർക്കാർ.  ‘കവച്’ എന്ന പേരിൽ നടപ്പാക്കുന്ന വായ്പാ പദ്ധതിയിലൂടെ ഈട് ഇല്ലാതെ 25,000 മുതൽ 5 ലക്ഷം രൂപ വരെ  വായ്പ കിട്ടും. 8.5 ശതമാനം പലിശയ്‌ക്ക് കിട്ടുന്ന പണം 60 മാസങ്ങൾ കൊണ്ട് തിരിച്ചടച്ചാൽ മതി.

രാജ്യത്തെ ഏറ്റവും വലിയ ബാങ്കായ എസ്ബിഐ വഴിയാണ്  കൊവിഡ് ബാധിതരെ സാമ്പത്തിക പ്രതിസന്ധിയിൽ നിന്ന് കരകയറ്റാൻ ‘കവച്’ നടപ്പാക്കുന്നത്. ശമ്പളക്കാർക്കും പെൻഷൻ വാങ്ങുന്നവർക്കും വരെ വായ്പയ്‌ക്ക് അർഹത ഉണ്ട്. ആദ്യ 3 മാസം മൊറോട്ടോറിയം ഉള്ളതിനാൽ ഫലത്തിൽ 57 മാസം കൊണ്ട് അടയ്‌ക്കണം.  

കൊവിഡ് ചികിത്സയ്‌ക്ക് ചെലവായ പണം നൽകാനും വായ്പ ഉപയോഗിക്കാം. പ്രോസസ്സിംഗ് ഫീ ഇല്ല എന്നതും ഈ വായ്പയുടെ പ്രത്യേകതയാണ്. കൂടുതൽ വിവരങ്ങൾക്ക് അടുത്തുള്ള എസ്ബിഐ ശാഖ സന്ദർശിക്കുക.