ന്യൂഡല്‍ഹി: രാജ്യതലസ്ഥാനത്തു ഞായറാഴ്ച ഉച്ചയ്‌ക്ക് നേരിയ ഭൂചലനം അനുഭവപ്പെട്ടു. പഞ്ചാബി ബാഗ് പ്രദേശത്ത് ഉച്ചയ്‌ക്ക് 12.02നാണ് റിക്ടര്‍ സ്‌കെയിലില്‍ 2.1 രേഖപ്പെടുത്തിയ തീവ്രത കുറഞ്ഞ ഭൂചലനമുണ്ടായത്. തറനിരപ്പില്‍നിന്ന് 7 കിലോമീറ്റര്‍ ആഴത്തില്‍ പ്രകമ്പനമുണ്ടായി. നാശനഷ്ടങ്ങള്‍ റിപ്പോര്‍ട്ട് ചെയ്തിട്ടില്ല. അപൂര്‍വമായിട്ടാണ് ദല്‍ഹി ഭൂചലനത്തിന്റെ പ്രഭവകേന്ദ്രമാകുന്നത്.
മധ്യ ഏഷ്യയിലും ഹിമാലയത്തിലും ഭൂചലനമുണ്ടായാല്‍ ദല്‍ഹിയിലും പ്രകമ്പനം അനുഭവപ്പെടാറുണ്ട്. ഫെബ്രുവരിയില്‍ ഡല്‍ഹിയിലും പരിസര പ്രദേശങ്ങളിലും സെക്കന്‍ഡുകളോളം പ്രകമ്പനം അനുഭവപ്പെട്ടിരുന്നു. തജിക്കിസ്ഥാനില്‍ ഭൂചലനമുണ്ടായതിനു പിന്നാലെയായിരുന്നു ഇത്.
പ്രതികരിക്കാൻ ഇവിടെ എഴുതുക: