ന്യൂദല്ഹി: കളിക്കളത്തില് റെക്കോഡുകള് കുറിച്ച് കുതിക്കുന്ന പോര്ച്ചുഗല് സൂപ്പര് സ്റ്റാര് ക്രിസ്റ്റിയാനോ റൊണാള്ഡോ കളിത്തിന് പുറത്തും റെക്കോഡിട്ടു. സമൂഹ്യ മാധ്യമമായ ഇന്സ്റ്റഗ്രാമില് മുന്നൂറ് ദശലക്ഷം പേര് പിന്തുടരുന്ന ആദ്യവ്യക്തിയെന്ന റെക്കോഡ് റോണോയ്്ക്ക് സ്വന്തമായി. ഇന്സ്റ്റഗ്രാമില് 200 ദശലക്ഷം പേര് പിന്തുടര്ന്ന ആദ്യ വ്യക്തിയും റോണോ തന്നെയാണ്.
പോര്ച്ചുഗല് ടീമിന്റെ ക്യാപ്റ്റനായ റൊണാള്ഡോ ഈ ആഴ്ചയുടെ തുടക്കത്തില് യൂറോപ്യന് ചാമ്പ്യന്ഷിപ്പില് ചരിത്രം കുറിച്ചിരുന്നു. ഹങ്കറിക്കെതിരായ ആദ്യ മത്സരത്തില് രണ്ട് ഗോളുകള് നേടിയതോടെ യൂറോപ്യന് ചാമ്പ്യന്ഷിപ്പിലെ ഏക്കാലത്തെയും മികച്ച ടോപ്പ് സ്കോററായി. റോണോയ്ക്ക് നിലവില് യൂറോയില് പതിനൊന്ന് ഗോളുകളായി. ഫ്രാന്സിന്റെ മിഷേല് പ്ലാറ്റിനിയുടെ ഒമ്പത് ഗോളുകളെന്ന റെക്കോഡാണ് വഴിമാറിയത്്. സീരി എയില് യുവന്റസ് താരമായ റൊണാള്ഡോയുടെ അഞ്ചാം യൂറോപ്യന് ചാമ്പ്യന്ഷിപ്പാണിത്.
മേജര് ടൂര്മണമെന്റുകളില് പോര്ച്ചുഗലിനായി ഗോളുകള് നേടുന്ന ഏറ്റവും പ്രായം കൂടിയ ( 36 വര്ഷവും 130 ദിവസവും) താരമാണ് റൊണാള്ഡോ.
