കൊച്ചി: തപാലില്‍ മദ്യവും ടച്ചിങ്‌സും അടക്കം സുഹൃത്തിന് ബംഗളൂരുവില്‍ നിന്ന് പാര്‍സല്‍ അയച്ച മലയാളിയെ കാത്തിരിക്കുന്നത് അറസ്റ്റ്. മലയാളിയെ കുടുക്കിയത് ആകട്ടെ ഒരു എലിയും. മൂന്ന് കുപ്പി മദ്യം. ടച്ചിംഗ്‌സിന് മിസ്ച്ചര്‍ എല്ലാം ഒരു പെട്ടിയിലാക്കി അതീവരഹസ്യമായി ആണ് ബംഗളൂരുവില്‍ നിന്ന് തപാല്‍ മാര്‍ഗം എറണാകുളത്തെ സുഹൃത്തിന് ബംഗളൂരുവിലെ മലയാളി സുഹൃത്ത് പാര്‍സല്‍ അയച്ചത്. മദ്യം ഒളിപ്പിച്ച പെട്ടിയുടെ ഒരുഭാഗം എലി തുരന്ന് വച്ചതാണ് ‘മദ്യക്കടത്ത്’ ഉദ്യോഗസ്ഥരുടെ ശ്രദ്ധയില്‍പ്പെടുത്തിയത്.
സംഭവത്തില്‍ ബംഗളൂരു മലയാളിയേയും എറണാകുളത്തെ സുഹൃത്തിനേയും എക്സൈസ് തിരിച്ചറിഞ്ഞു. ഇന്നലെ ഉച്ചയോടെയാണ് സംഭവം. പാസര്‍ലില്‍ പേരും ഫോണ്‍നമ്പറുമടക്കം വ്യക്തമായി എഴുയാണ് സുഹൃത്തിനായി മദ്യം കയറ്റിവിട്ടത്. സംഭവത്തില്‍ അന്വേഷണം ആരംഭിച്ചിട്ടുണ്ട്. എറണാകുളത്തുകാരനെ എക്സൈസ് ചോദ്യം ചെയ്യും. വിവരം ഉറപ്പാക്കിയ ശേഷമായിരിക്കും അറസ്റ്റ്. പെട്ടിയില്‍ മദ്യം കണ്ടെത്തിയതോടെ ജീവനക്കാര്‍ വിവരം എക്സൈസിനെ അറിയിക്കുകയായിരുന്നു.
എക്സൈസ് ഡെപ്യൂട്ടി കമ്മിഷണര്‍ അശോക് കുമാറിന്റെ നിര്‍ദേശപ്രകാരം സ്ഥലത്ത് എറണാകുളം ഹെഡ് പോസ്റ്റ് ഓഫീസില്‍ എത്തിയ എറണാകുളം അസി.എക്സൈസ് ഇന്‍സ്പെക്ടര്‍ കെ.ആര്‍ രാം പ്രസാദിന് പിന്നീടുള്ള കാര്യങ്ങള്‍ എളുപ്പമായിരുന്നു. പ്രിവന്റീവ് ഓഫീസര്‍ ജയലാല്‍, സിവില്‍ എക്സൈസ് ഓഫിസര്‍മാരായ ഫ്രെഡി ഫെര്‍ണാണ്ടസ്, രഞ്ചിത്ത്, വിമല്‍,ജിതിന്‍ ജയഘോഷ് എന്നിവരുണ്ടായിരുന്നു.
പ്രതികരിക്കാൻ ഇവിടെ എഴുതുക: