ഗുരുവായൂര്‍: സ്ഥല പരിമിതിയില്‍ ബുദ്ധിമുട്ടിയിരുന്ന ഗുരുവായൂര്‍ ടെമ്പിള്‍ സ്റ്റേഷന് 19 മുതല്‍ പുതിയ കെട്ടിടത്തിലേക്ക് മാറും. ഓണ്‍ലൈനിലൂടെ മുഖ്യമന്ത്രി പിണറായി വിജയന്‍ പുതിയ കെട്ടിടം ഉദ്ഘാടനം ചെയ്യും.
ഗുരുവായൂര്‍ തെക്കേനടയില്‍ പഴയ സ്റ്റേഷന് പ്രവര്‍ത്തിച്ചിരുന്നിടത്താണ് അത്യാധുനിക സൗകര്യങ്ങളോടെ പുതിയ കെട്ടിടം പണിതീര്‍ത്തിട്ടുള്ളത്. മുകള്‍ നിലയില്‍ അസിസ്റ്റന്റ് പോലീസ് കമ്മീഷണറുടെ ഓഫീസും താഴെ സിഐ ഓഫീസും തൊട്ടടുത്ത് എസ്‌ഐമാരുടെ ക്യാബിനുകളുമാണ്. വാഹനങ്ങള്‍ക്കായി അണ്ടര്‍ ഗ്രൗണ്ട് പാര്‍ക്കിങ് സംവിധാനവും ഒരുക്കിയിട്ടുണ്ട്.
ഗുരുവായൂരില്‍ ആദ്യമായാണ് അസിസ്റ്റന്റ് പോലീസ് കമ്മീഷണറുടെ കാര്യാലയവും ടെമ്പിള്‍ സ്റ്റേഷനും ഒരു കുടക്കീഴിലാകുന്നത്. തൃശൂര്‍ അഡീഷണല്‍ എസ്പി അബ്ദുള്‍ ഖാദര്‍, ഗുരുവായൂര്‍ അസി പോലീസ് കമ്മീഷണര്‍ ടി.പി. ശ്രീജിത്ത് എന്നിവരുടെ നേതൃത്വത്തിലുള്ള പോലീസ് ഓഫീസര്‍മാര്‍ ഇന്നലെ സ്റ്റേഷന്‍കെട്ടിടം സന്ദര്‍ശിച്ചു.
പ്രതികരിക്കാൻ ഇവിടെ എഴുതുക: